Malakyas 1:6 - Fanawbuid tagsibaliwas Fakayabian

⁶ Yawi at Mabalyanan nalong sa sangay tagfon fanggalangun te, “Sik sisian gsuyu tua at mama ay sik fagsuguan gsuyu yangay at tagfayafun. Ay am, wain ay fagyudun gsuyu angku ay au oma ay mama ay ay tagfayafun? Takatanya ay fakamulun gfauri am angku. Dewa katanya, ginto yayam te, ‘Ay setain nunda nu gfauri ami emu?’

Malakyas 1:6 Referans Kwoze

Lukas 6:46

“Wain ro ay fagngayanun angku te, ‘Ku Fun, ku Fun,’ nu dway ngap am gfaning ku longan?

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Nu Galin 20:12

Suyui ay mama ay ay mina laman mabanwan am ngaduge si ku fon ban ayu fag daga.

1 Pedru 1:17

Amatangani te, ay fagsegan fag Mama di e fagfili. Kanya ban namaurianan ay mannga namon at masine sas galay at sadi kata at nafakamulun. Nu katanya, ugalii tua at masine ay at matuyan, ay faningi anya kaduge am gbanwan ste swa daga.

Usea 12:8

Am fag ngay taw Israel, kamatungudun am glong te, ‘Nafaful ami ramraman, ay katsi, maramraman wami. We malong ya te, anramraman ami siginan at mauri fag ngay balyawvtan, aroro nasaful waymi te, takatanya asalanan.’

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Efesu 6:2

“Suyui ay mama ay ay mina.” Tuy taguna fag suguan gasfuan sik fatuyanan. Katatuy at fatuyanan te,

Fangatulun 30:17

Nusnga sinu fag sisian tagfalingun ay takamabo at fagtainan, ugak suminduk at ngay mata, ay nu nbul ban, ngay bio nangon at bilug.

Mateu 7:21

“Bunwa ban fagayu taglong sa angku te, ‘Ku Fun, ku Fun,’ at kumful sas Dius at fagfagtainanan, kayu way ban tagfaning ku Mama sas banwa at fakaylatun.

Mateu 6:9

Ay nu gdarangin am longi te, ‘Em Mama sas banwa, Ngay taw nangus sumeg tua am ngayan,

Fangatulun 30:11

Tibak sisian wa gdarangin ya sas Dius te, “Gubuki em ngay fagtainan,” abat ngate, glong way at mauri.

Deuterunumyu 5:16

Suyui ay mama ay ay mina kata ku suguan ayu laman mabanwan am ngaduge ay manabayan si ku fon ban ayu fag daga.

Lebitiku 19:3

Suyui tua ay mama ay ay mina. Faningi ku suguan ayu galay Famiangalay fag Menit. Au wan ay Dius Yawi.

Markus 10:19

Saful wo Dius at ngay suguan te, ‘Lag gfabul, lag gfanugtug, lag gfangkamul, lag o kamuag nu gfatuyan o am iba at fakamulun, lag gfandaya am iba laman namul at ramraman, ay suyui am mama ay am mina.’ ”

Mateu 19:19

ay suyui am mama ay am mina, ay esugi am iba kaksvn nu kesug o emu.”

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Esekyel 22:26

Kafag ngay taw at ngay tagfon fanggalangun wa gfaning ku ngay suguan, ay nafauri fagayu ku nafatuyan te, we malong. Ay nu sa anya fagayu, we fagsamanun at yud e malong ay at ke malong ay wa yangay e fagsamanun at masine ay at mauri, ay wa gfaning ku ngay suguan gina Famiangalay fag Menit. Ay wa gsuyu ya angku.

Eremyas 23:11

“Ngay tagfon fanggalangun kata yangay sik ngay taglong; kanya fagayu nafakamulun at mauri dewa si ku bale.

Mateu 15:6

Ay nu katanya, gfae yud wam e tungkul Dius at Longan siginan nu gfaning am ay mangaguyang at faugali.

Malakyas 2:8

Dewa katanya, wam nafaning ku balyawvtan. Ay ngay foyungan nafae asalanan way ngayuk taw. Au, Yawi at Mabalyanan, glong au te, nafauri am ku nasadian sa ay mangaguyang fag ngay taw Lebi.

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Lukas 6:36

Afanyui, kata ay Mama nu mafangafanyu.

Markus 7:10

Ay ebi Muisis nalong te, ‘Suyui tua am mama ay am mina,’ ay ‘Fabuli wan nusnga sinu fag taw nu glong way at mauri sat mama ay sat mina.’

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Lukas 18:20

Saful wo Dius at ngay suguan te, ‘Lag gfanugtug, lag gfabul, lag gfangkamul, lag o kamuag nu gfatuyan o am iba at fakamulun, ay suyui am mama ay am mina.’ ”

Mateu 15:4

Aroro ebi Dius nasugu te, ‘Suyui tua am mama ay am mina,’ ay ‘Fabuli wan nusnga sinu fag taw nu glong way at mauri sat mama ay sat mina.’

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Deuterunumyu 1:31

Ay nalag yangay am, ay Dius Yawi nu gufud ayu gina am sit yud e gbanwan fag talun. Kanya naulit ayu kata sik mama nu gulit at ngay sisian, yakmay am andasug sanya fag talun.”

Alubad. 123:2

Yawi em Dius, gfanya ami nu kafanyu o emi, kata sik fagsuguan nu gfanya at tagfayafun nu gfon sa anya.

Fangatulun 17:6

Ngay fufu gfae fagusegananun sat fufuama ay sat fufuina, ay kabavn ngay sisian at fakamanagsagun at ngay fagtainan tua.

Isayas 43:23

Ay wo nafon sa angku sik fagirugun fag tupa. Ay wo nafauseganan angku, dewa au yud gfaidapan emu ay gfalufuy siginan nu get au sa emu te, foni tua sa angku fanggalangun ay ngay famaebebanglu.

Eremyas 3:4

Ay katsi glong am sa angku te, ‘Em Mama, o wan em fagadgalangan siginan nu masisian ami.

Eremyas 35:16

Yeunadab at ngay kasugfunanan, Rekab at ngay baguama, nafaning tua at ngay suguan. Dewa katanya, am wam nafaning angku.’

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Malakyas 2:1

Yawi at Mabalyanan nalong yangay sa sangay tagfon fanggalangun te, “Gfararang au sa ayu te, nu dway ban am gdungugan ku longan ay gfae masuad nu gfauseganan am angku, gfaurianan kban ayu gasfuan ay nabul nusnge wain. Nafakamulun kwan takatanya sa ayu aroro wam nafae masuad nu gfauseganan am angku.

Malakyas 2:10

Malakyas nalong sa sangay taw Israel te, “O nunda tam mama wa sadi? Ay o nunda wa sadi at nawat antam? Wain ay fakadkamuaganun? Nu katanya, nafa yud tam e masuad Yawi at nasadian sa tam ngay mangaguyang.

Deuterunumyu 32:6

Ngay taw at yud e fagsafulun, o nunda ban katanya way ay famafoli sas Yawi? O nunda bunwa sia ay Mama at nawat ayu, ay at nafasik gaban ayu?

Isayas 45:10

Sik sisian wa malong sat mina te, ‘Ida, nataw ro am fagnafasalugun angku?’ ”

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”