Malakyas 1:5 - Fanawbuid tagsibaliwas Fakayabian

⁵ Lumag ban am kafag ngay taw nu kamin ay ginanya ban glong am te, ‘Yawi mabalyanan tua, nusnga nday fag talun.’ ”

Malakyas 1:5 Referans Kwoze

Deuterunumyu 11:7

Ay nalag tuam Yawi at ngay nafakamulun at mabalyanan takatanya fagayu.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

2 Krunika 29:8

Nu katanya, Yawi andotama ngay taw Uda ay ngay taw Erusalem. Kanya nafaurianan antam, ay katsi tibak taw kadulo at kindasug sa antam, ay gfalingun, ay gsaruyan way antam.

1 Samwel 12:16

“Lag am glelegan siginan ay fagmalindugan, aroro Yawi namalag sa ayu at madulo fag ngay fakamulun.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Esekyel 38:23

Takatanya fag balyawvtan namalag au ku fagmabalyananun sas fagayu talun te, kdi e malong. Ay kanya ban fag ngay taw sumaful te, au Yawi.’ ”

Uswe 24:7

Ay ay ngay mangaguyang naet sa angku gubuk, ay nafae dulum au si ay mangaguyang ay ngay taw Igiptu at wabilug. Ay nafalubgub au ngay taw Igiptu sas dagat. Nalag wam ku nafakamulun sa sangay taw Igiptu. Ay nabanwan am sis talun at yud e taw ngaduge kbuknga.

Deuterunumyu 4:3

Nalag am Yawi at nafakamulun sis Baal-Peur, Yawi nafabul ngay taw Israel at naseg Baal fag fagsegan.

Esekyel 39:9

“ ‘Ginanya ban fag menit, ngay tagbanwan sis Israel at ngay furuan namaful kanya fag ngay famawayan: famalabag tagbia ay talay, ngay godun, banyas ay bangko, ay kanya ban fag ngay taw gtungu wan kanya fag ngay famawayan kaduge fituk banwa.