Malakyas 1:10 - Fanawbuid tagsibaliwas Fakayabian

¹⁰ Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Malakyas 1:10 Referans Kwoze

1 Pedru 5:2

Alagai Dius at ngay tupa tagsi ayu. Dangay am gafabulunan, nu bunway useganani tua fia sa ay amatanganan, ay bunwa te, aroro kaylat am gyabulun salapi. Katanya tua Dius at fakaylatun.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Usea 5:6

Dewa ban am gfon sa angku ngay tupa, ngay kambing, ay ngay baka laman ay fanggalangun ginam nangakbang sa angku, wa ban am lumag ku fagmasineun, aroro natalyuyan kwan ayu.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Ebreu 10:38

“Ku ngay taw at matuyan gleleg tua ban siginan at fagafanudun sa angku, ay dewa katanya, kanya ban nu natalyuyan way angku, kwa ban guseganan ya anya.”

Filipus 2:21

Aroro tibak taw at fagugatanun sa way lang at sadili fakaylatun, wa gfaning tam Fun Isus at fakaylatun.

1 Kurintu 9:13

O nunda wam nasaful te, sik taw tagfakamulun sis Dius at bale, sanya ginan wan nu gbul at fakonun, ay anggan tagfakamulun sas fagirugan, e afud sanya ginan.

Uan 10:12

Sik taw nu mabayadan way, ay nu dway fia tagagbilug tupa, nu glag te, idu talun kadasug, kanya glagyu wan ay gubun wan kafag ngay tupa. Nu katanya, idu talun namafalo ngay tupa ay kanya fagayu sumaruayan.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 14:10

Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”

Malakyas 1:13

Ay glong yangay am te, ‘Kalufuy wami gfon fanggalangun.’ Ay fagayu am gfauri am ku fagirugan. Ay fanggalangun fag ngay fagbaugun ay nafangkamul way, ay tagalbi ay at ke fakasaitun. O nu glong ro am kaylat au takatanya?

Malakyas 2:12

Fagayu ban at nafakamulun takatanya, wa katap ya te, Akub at kasugfunanan, dewa yay ban gfon fanggalangun sas Yawi at Mabalyanan.

2 Fun 12:6

Dewa katanya, kaduge duak safulu e tuluk banwa Uas nu gfunan, ngay tagfon fanggalangun ya nafafasine Yawi at bale.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Malakyas 2:13

“Ay katatuy ya ay fakamulun, gwayway am maksvn sis Yawi at daga salubangan aroro kanya wa kasalag ya ayu, ay wa kaylat ay ngay fanggalangun.