Lukas 9:47 - Fanawbuid tagsibaliwas Fakayabian

⁴⁷ Ay Isus nu nasaful at ngay amatanganan takatanya, nataban sik sisian sirut ay gfalindug sit day tigyangan.

Lukas 9:47 Referans Kwoze

Uan 16:30

Ay nasaful wami te, nasaful wo fagayu nusnge wain. Nusnga sinu fag taw wa masine ya ginto sa emu. Nu katanya, gafanud wami te, siginan tuo sDius.”

Alubad. 139:23

Ku Dius, damai tua gugat angku, ay insafuli tua gugat ku amatanganan. Faskudi angku ay asafuli ku ngay fagafanawaun.

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

Lukas 5:22

Ay Isus nasaful kafag ngay taw at amatanganan ay glong te, “Wain ay fagamatanganun takatanya?

Mateu 9:4

Ay Isus nasaful kafag ngay taw at amatanganan, ay glong te, “Wain ay fagamatanganun at mauri?

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Alubad. 139:2

Saful way o te, malunggung au ay malindug. Ay dewa o ngayayu, saful way o fagayu tagsi ku amatanganan.

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Uan 2:25

Isus wa gafanud dewa e gfoyung sa anya te, matuyan ngay taw at ugali, aroro saful way ngay taw at amatanganan.

Mateu 12:15

Ay Isus nasaful ngay taw Fariseu at algan, ay nalo wan sanya ginan. Ay ngayuk taw galo anya. Ay Isus nafafia fagayu at ke fakasaitun.