Lukas 9:26 - Fanawbuid tagsibaliwas Fakayabian

²⁶ Aroro nusnga sinu fag taw takapla gfoyung angku ay ku longan, anggan au, Taw at Baguama, kapla kyangay ban anya gina kban andasug ke fagmabalyananun, ay e fagmabalyananun kyangay siginan ku Mama ay anggan at masine fag ngay tagbarita.

Lukas 9:26 Referans Kwoze

2 Timuteu 2:12

Ay nu nagwantan tua tam, gfunan yangay ban tam gasfuan anya. Nu kauri way tam anya, kanya kauri yangay ban antam.

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Markus 8:38

Nusnga sinu fag taw takapla gfoyung angku ay ku longan sa sangay taw tagasalanan ay at yud matuyan sas Dius, anggan au, Taw at Baguama, kapla kyangay ban anya gina kban andasug ke fagmabalyananun siginan ku Mama gfasfuan at masine fag ngay tagbarita.”

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

Mateu 16:27

Aroro au, Taw at Baguama, kadasug kban stae at ke fagmasineun siginan ku Mama, gfasfuan at ngay tagbarita. Ay ginanya ban gfon au sas fagayu taw kata at nafakamulun.

Mateu 25:31

“Au, Taw at Baguama, gina ban au kadasug stae swa daga gasfuan ngay tagbarita fagayu, e fagmasineun ban au daul. Kadugenya gmalunggung au sa ku fagmalunggungan ke fagmasineun, laman namagtainan.

Uan 12:43

aroro kanya fagayu kaylat taw nu gfauseganan anya abat ngate, Dius tagfauseganan.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

Udas 1:14

At fafituk kasugfunanan siginans Adan, Inuk. Kanya nafoyung yangay sabaliwa kafag ngay taw te, “Amatangani, tam Fun kadasug wan gadgaloan at ngay tagbarita at yud katap ya at kayuan,

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.

Galasya 6:14

Lag au nangus kamatungudun, nu dway sabaliwa tam Fun Isus at nabulanan sas fasulungan kayu. Aroro siginan takatanya, fagayu nusnge wain ste sfagdaul daga we tungkul ya sa angku, ay anggan au kwa yangay e tungkul ya sas fagdaul daga.

Mateu 26:64

Ay Isus nabalus te, “Kin, kata wa am longan. Ay glong au ayu fagayu te, siginan katsi lumag ban am angku, Taw at Baguama, nu malunggung au sit Mabalyanan at siun, ay nu kadasug au siginan sad linyabu sis kiwang.”

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Ebreu 13:13

Nu katanya, nangakbang watam sas Isus sas day furuan ay nanginkaplan tam kata anya.

Ebreu 11:26

Muisis namatangan te, gtungud yay ban nu e tungkul at nagwantan at maidap aroro sa tam Fun Isus, abat ngate, nangagbilug talun Igiptu at fagmaramramanun, aroro nu gdama sa tua baliwa at fagnamulun ban fag famonun.

2 Kurintu. 12:10

Aroro siginan tam Fun Isus, guseganan ktua, dewa au mamomuy, ay dewa e gfalingun, ay e gfaidapan ay e gfauri angku. Aroro kanya gfabitsug tua angku gina au mamomuy.

Daniel 7:10

Ay afuy gfamilugan siginan anya. Ay ngayuk tagbarita gfauseganan anya. Kanya nafalganan wan nanwabilug, ay nalunggab ngay fafil laman nanginsaful.

Uan 5:44

Ay famauseganan nu sa way lang ay iba, tain ro nu gafanud am, wayam grvbvy famauseganan tagsiginan at matuyan fag sadik Dius?

Fakamulun 10:22

Ay kafag tuluk mangama nabalus te, “Kurnelyu fag fun tagfawayan nasugu emi. Kanya matuyan ay gseg Dius, ay fagayu taw Udyu gsuyu tua anya. Ay sik tagbarita nalong anya te, nantaban ami emu sas Kurnelyu at bale laman kanya gdungugan am longan.”

1 Timuteu 5:21

Maksvn nu gsugu au emu sas Dius ay sa tam Fun Isus ay sat masine fag ngay tagbarita at daga salubangan te, fakamuluni takatanya yud e fagfili sas nusnga sinu fag taw.