Lukas 9:12 - Fanawbuid tagsibaliwas Fakayabian

¹² Nu kayabi wan, Isus at labi duak nasugu nanangakbang sa anya ay nalong te, “Falaoi wan kafag ngay taw, ma ro nanrvbvy at fakonun ay at bale tagsit ligung fag ngay furuan ayu sirut ay sat ngay talun aroro we bale ste fag talun.”

Lukas 9:12 Referans Kwoze

Mateu 15:23

Ay Isus wa gbalus anya. Ay Isus at ngay tagadal ankakbang sa anya ay maksvn nu glong anya te, “Ida. Aiyani wan kafag mangena. Ankuri ami nu guro gugat si tam guyan.”

Usea 13:5

Nalaga au ayu gina am sis talun yud e taw, sit matat fag daga.

Uan 6:1

Ay sanya ginan, Isus nadife wan tsiuy baliwa Lino Galilea, at ngayan yangay te, Lino Tiberias.

Mateu 15:32

Ay ginanya Isus nafaful at ngay tagadal sa anya ay nalong te, “Kafanyu au in fag ngay taw, aroro katsi tulu wak menit nu maful ste si angku, ay katsi we fakonun ya. Ay kwa kaylat gfauli anya fagayu ginlunusan, laman ro di karanug sat ngaba dalan.”

Esekyel 34:25

“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.

Mateu 14:13

Ay Isus nu nadungug at kinfasludan sas Uan, kanya nasakay sa sik sakayan lino ay nalo sanya ginan fag talun ay andasug sa sik talun at yud e taw. Ay fagayu taw nu nasaful te, Isus nalo wan, naguyan anya sa sangaba talun siginan at ngay furuan.

Lukas 9:11

Aro fag ngay taw at nanangalo Isus, nu nasaful at fakamulun, naguyan anya. Ay Isus kaylat gkamatoan anya fagayu. Ay kanya nafoyung sanya fag ngay taw sabaliwa Dius nu gfagtainan ay nafafia at ngay ke fakasaitun.

Lukas 9:13

Ay Isus nabalus te, “Am wa ro tagfayafun anya fagayu.” At labi duak nasugu nalong te, “Lima way em ba tinapay ay dua way em ba albon, nu dway ro mi nalao laman nanamayad fakonun laman famafangon in fag ngay taw.”

Filipus 1:19

aroro nasaful au te, siginan ay darangin ay siginan tam Fun Isus at Falad at gubuk, umkalfas au ste ginans fagubungan.