Lukas 8:47 - Fanawbuid tagsibaliwas Fakayabian

⁴⁷ Ay kanya fag mangena nu nasaful te, we kasuksuan, gtadtaruyan nangakbang sas Isus ay namalub sit day darafa, ay nafoyung gina sis wa taw at salubangan at algan at fagnatedun, ay nu setain nu kafia vtv.

Lukas 8:47 Referans Kwoze

Markus 5:33

Kafag mangena nu nasaful at kinfasludan sa anya, gtadtaruyan kalimu nangakbang sas Isus ay namalub sit daga salubangan ay gfoyung sa anya at matuyan.

2 Kurintu. 7:15

Titu maksvn nu kesug ayu, kaugat wan nu namatang way sabaliwa nu mafamaning am, ay nu namatang yangay ay nafasakboan anya, ay nu kesug am anya.

Ebreu 12:28

Useganani aroro tam fagnamulun ban siginans Dius fag fagfagtainanan di ban kauig. Nu katanya, segi fauseganani tam Dius. Alimui fia faningi anya ay suyui tua anya.

1 Kurintu 2:3

Ay gina au glao sa ayu, mamomuy kway ay kalimu ay gtadtaruyan.

Alubad. 2:11

Fakamuluni at ke fakalimuun sas Yawi, ay fauseganani sa anya.

Fakamulun 16:29

Ay tagulit get salung ay gtadtaruyan nangakbang ay namalub sas Pablu ay Silas at daga salubangan.

1 Samwel 16:4

Ay Samwel nafaning Yawi at suguan. Kanya nu ndasug sas Betleem, ngay fagtainan sis furuan nafablang anya gtadtaruyan kalimu ay nainto te, “O am fagnasteun sa tua baliwas fagmanabayanun?”

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Alubad. 38:9

Yawi, nasaful wo fagayu ku algan. Ay gdungug tuo nu gwayway au gidapan.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

Mateu 28:8

Ay kanya fag duena nalo masakit siginans fagfolian, ay nafasaful at nalag sa sangay tagadal. Ay dewa kalimu, guseganan daul.

Usea 13:1

Ebi taguna, gina Efraim at gaban nu garingang, tibak taw Israel gtadtaruyan kalimu famalag te, gsuyu Efraim at gaban. Dewa katanya, kanya fag ngay taw anke asalanan aroro gseg Baal, nu katanya, kanya fagayu anbul.

Usea 5:3

Saful kway ngay taw Israel at ngay fakamulun. Fagayu taw Israel at fakamulun we masuksukan sa angku. Gseg am tibak fagsegan, nu katanya, sik masuya wayam.

Alubad. 66:16

Fagayu am tagfaning Dius, gewan dungugani, glong au sa ayu Dius at ngay nafakamulun sa angku.

Lukas 8:46

Ay Isus nalong te, “Sik taw nated angku, aroro namatang au ku fagmabalyananun nu gduksun siginan angku.”

Lukas 8:48

Ay Isus nalong sa anya te, “Fagmangena, am fagafanudun nafafia emu. Loi wan, manabayan tua ro wo.”