Lukas 8:35 - Fanawbuid tagsibaliwas Fakayabian

³⁵ Nu katanya, ngay taw nalo sanya, laman nanlag te, nataw at kinfasludan. Ay kanya fag ngay taw andasug sas Isus, ay nalag aro ke mauri fag ngay falad, malunggung sis Isus at daga salubangan ay galanbungan ay e amatanganan wan. Ay at nananlag maksvn nu kalimu.

Lukas 8:35 Referans Kwoze

Lukas 10:39

Ay Marta at faduksay at ngayan Maria. Maria namalunggung sa tam Fun at day darafa ay gdungugan at foyungan.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

Fakamulun 22:3

“Sik taw Udyu au, ay ansalug au sis Tarsu, sis talun Silisya, ay an-gurang stes Erusalem. Nu gadal au ste yangay, ay ku takamoyung Gamaliel. Kanya nafoyung sa angku Faugali tam ngay mangaguyang at nafaning yangay. Ay gfaning kyangay ayu at maseganama gfakamulun sa tam Dius.

Alubad. 51:10

Dius, foni angku at matuyan fag amatanganan, ay fafolii ku fagmatuyanun.

Lukas 8:27

Ay gina Isus gduksun siginans sakayan lino, sik mangama gfablang anya. Kafag mangama ebi gbanwan sit furuan, ay ngayuk mauri fag falad antayuk sa anya. Glugo wan kanya nu yud gsulun lanbung, ay nu yud namanwan ya sat bale. Ay at fagbanwanan si ways fagfolian ngay kinbul.

Lukas 15:17

“Kafag baguama namatangan te, ‘Ku mama at fagsuguan dewa ngayu kasakan tua at fakonun, sarokta e sawad yay, ay au umbul au ste sas lunus.

Lukas 2:46

Ay sis fatuluk menit, dadwa nalag Isus sis Dius at bale malunggung magamut ngay tagfoyung Muisis at faugali. Ay Isus gdungugan ay ginto.

Markus 5:15

Ay kanya fagayu nu ndasug sas Isus, nalag aro taw at ke mauri fag ngay falad nu malunggung ay galanbungan ay e amatanganan wan. Ay at nananlag maksvn nu kalimu.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

Lukas 8:34

Ay ngay tagalaga ngay bumbu gabanganan guli sat furuan ay sa tagligung fag ngay furuan, laman namansulit at nalag.