Lukas 8:25 - Fanawbuid tagsibaliwas Fakayabian

²⁵ Isus nalong sat ngay tagadal te, “Wain ay fagyudun e fagafanudun?” Ay at ngay tagadal kalimu, ay gamatangan daul, ay glodlongan te, “Sinu tuy fag taw? Newa, dewa tagmara ay mamam gfaning tua anya.”

Lukas 8:25 Referans Kwoze

Mateu 8:26

Ay Isus nabalus anya te, “Wain ay fakalimuun? Wa maksvn nu gafanud am.” Ay Isus anlindug ay nasalag tagmara ay lugwak. Ay sanya ginan anke fagmanabayanun wan.

Fangatulun 30:4

Sinu nunda at nasas banwa ay at natustus ste swa daga? Ay sinu nunda at nagalumutan tagmara ay at nasifig mamam sat lanbung? Ay sinu nunda at namatangan laman namoli fagdaul daga at fatuan? Nung tuo e nasaful, longi angku kafag taw at ngayan ay anggan at baguama at ngayan.

Mateu 14:31

Ay arodi vtv Isus nafalugde at take ay nated Pedru ay nalong anya te, “Sik taw o at yud maksvn am fagafanudun. Wain am fagfainfolianun am amatanganan?”

Uan 11:40

Isus glong te, “O nunda kwa nalong emu te, nu gafanud tuo sa angku lumag o Dius at fagmasineun?”

Lukas 12:28

Ay Dius nu gfae lanbung tua makmak katanya sa sangaba talun, dewa melo katsi, ay balabag ban e gukas wan sasad afuy, kaugat waro Dius nu gfon ayu ay lanbung. Ya maksvn nu gafanud am.

Mateu 17:20

Ay Isus nabalus anya te, “Aroro alay way ay fagafanudun. Ay matuyan nu glong au ayu te, ay fagafanudun dewa kadaul sik rigrig burarad, malong am ste fag buksul te, ‘Alini wan sanya ginan,’ ay kanya galin. Ay mafafakamulun am nusnge wain.”

Fangatulun 8:29

ay gina gfae tigyangan dagat laman mamam di glangfe, ay gina kawat fagdaul daga at fagtungkudan.

Mateu 6:30

Ay Dius nu gfae lanbung tua makmak katanya sa sangaba talun, dewa melo katsi, ay balabag ban e gukas wan sasad afuy, kaugat waro Dius nu gfon ayu ay lanbung. Ya maksvn nu gafanud am.

Mateu 8:10

Ay Isus nu nadungug katanya at longan, andulo maksvn ay nalong sa sangay tagalo anya te, “Matuyan nu glong au ayu te, sas fagayu taw Israel kwa batang gdungug takaksvn nya nu gafanud.

Markus 4:35

Menit nu nfalyu wan, Isus glong sat ngay tagadal te, “Bastam, nandife watam lino.”

Lukas 8:24

Ay at ngay tagadal ankakbang sas Isus ay gfulo anya te, “Em Fun, em Fun, gakalubgubun watam!” Ay Isus anfulo ay gsalag tagmara ay lugwak. Ay anragang wan ay anke fagmanabayanun wan.

Lukas 8:26

Isus ay at ngay tagadal andasug sa sangay taw Gerasa at talun. Gerasa fag talun ay talun Galilea gdiddifean Lino Galilea.