Lukas 7:42 - Fanawbuid tagsibaliwas Fakayabian

⁴² Ay kanya fag dua we salapi, laman namatabu at bedan. Ay at tagfabedan nafalyam wan duama at bedan. Inday kanya fag dua tagtungud nu kesug at nafabedan?”

Lukas 7:42 Referans Kwoze

Kulusas 3:13

Maluayani tua, ay fadfalyamani nu e fakauriun way am sas galay at sadi, aroro Fun nafalyam tua ay ngay asalanan.

Efesu 4:32

Nu bunway, madmalukmeani tua ay edkesugani, ay fadfalyamani tua nu nke fagmauriun sa ay iba, kata Dius nu gfalyam ay asalanan siginan tam Fun Isus.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Galasya 3:10

Umfaurianan ban ngay taw tagamatangan te, umtap kata nu yud e asalanan siginan nu gfaning Muisis at Faugali, aroro katatuy at kinriruk: “Umfaurianan ban nusnga sinu fag taw at yud gfaning at kinriruk sis Muisis at Faugali fag fafil.”

Ruma 5:6

Ebi gina tam mamomuy yay, tam Fun Isus anbul sit kasakan fag buknga laman sa sangay tagasalanan.

Ruma 3:24

Ay dewa katanya, aroro sas Dius at fagmagalangun, kanya natap antam kata nu yud e asalanan, siginan tam Fun Isus nu gfalfas antam fagayu siginans asalanan.

Mateu 18:34

Ay kafag fun andotama maksvn ay nafataban anya sa sangay tagfauri yakmay ban nafafabayad at bedan.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Alubad. 103:3

Kanya nafalyam tua fagayu ku asalanan, ay nafafia fagayu ku fakasaitun.

Mateu 6:12

Ay falyami em ngay asalanan kata nu gfalyam ami em ngay iba at asalanan sa emi.

Mateu 18:27

“Ay at fun anfanyu at fagsuguan ay nafalyam wan at bedan fagayu ay nafauli wan.

Lukas 7:43

Ay Simun nabalus te, “Nu gamatangan au, at ke bedan tangayu.” Isus nalong te, “Matuyan am amatanganan.”

2 Samwel 14:13

Ay kanya fag fagbubayun glong te, “Wain way o nafafasludan sa sangay taw kata am nafatuyanan am fagnamakamulunun sa angku? Sa yay am sadili nu gfoyung o aroro am baguama oma wo nafafauli sa emu.