Lukas 7:34 - Fanawbuid tagsibaliwas Fakayabian

³⁴ Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’

Lukas 7:34 Referans Kwoze

Lukas 15:2

Ay ngay taw Fariseu anggan ngay tagfoyung Muisis at Faugali gibugan te, “Kafag taw gfakamatoan way tagasalanan ay gfasfuan anya gfangon.”

Uan 12:2

Nu katanya, e nafalganan sik yafun laman sas Isus, ay Lasaru gfasfuan gfangon. Ay Marta tagfalganan at ngay fakonun.

Lukas 19:7

Ay tibak taw nu nalag, gibugan te, “Isus nasakbo sa sik tagasalanan at bale.”

Lukas 14:1

Gina Famiangalay fag Menit, Isus nasakbo sa sik tagfangguna ngay Fariseu at bale, laman gfangon. Ay tagsanya fag ngay taw gdama anya.

Lukas 7:36

Sik taw Fariseu ggewan Isus laman nanfangon sat bale. Ay Isus nanangalo anya ay malunggung sit fagfangonan.

Lukas 5:29

Lebi gfalganan ngayuk fakonun sit bale sas Isus. Ay ngayuk tagbul famayad laman sas fun ay tiba yak taw malunggung gfasfuan anya fagayu gfangon.

Mateu 9:11

Ay sanya fag ngay taw Fariseu nu nalag, ginto sas Isus at ngay tagadal te, “Wain manga ay takamoyung nu gfangon fagfasfuanun ngay tagbul famayad laman sas fun ay anggan ngay tagasalanan?”

Uan 2:2

Isus ay at ngay tagadal nagewanan yangay.

Lukas 11:37

Kaduge Isus garingang, sik taw Fariseu nagewan Isus laman gfasfuan anya nanfangon. Ay Isus nasakbo ay nafangon.

Mateu 5:46

Ay fakesugun nu takesug way lang ayu, wa ban am e fagfanyaun at masine siginans Dius. Aroro anggan ngay tagbul famayad laman sas fun kesug yangay takesug anya.

Mateu 11:19

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’ Dewa katanya, gtuyan tam te, Dius at fagmamatanganun matuyan siginan at ngay fakamulun.”

Lukas 7:33

Katatuy ku faydayuanan aro at masuad. Uan Tagfasurung nu ndasug e buknga wa gfangon laman gdarangin, ay wa yangay ginum fanlangu. Ay kauri am anya te, sik mauri fag falad si anya.

Lukas 7:35

Dewa katanya, gtuyan tam te, Dius at fagmamatanganun matuyan siginan at ngay fakamulun.”