Lukas 7:25 - Fanawbuid tagsibaliwas Fakayabian

²⁵ Ay nu bunyay kanya ay fagyalagunun, nataw ya fia ay fagyalagunun sanya? O kaylat am nanlag sik taw at ke lanbung at maksvn nu masine? At ke lanbung at maksvn nu masine ay gleleg manabayan, takatanya fag taw nu gbanwan sa tua tiba tungud fag fun at bale.

Lukas 7:25 Referans Kwoze

Mateu 6:29

Ay glong au ayu te, nusnga fun Sulumun nasulun at tiba tungud at lanbung at masine nu kalag, kanya ya kamasine sik barugwak.

Mateu 3:4

Ay Uan at lanbung mawatan siginans kamelyu at sigyu. Ay at ginawang mawatan siginans fagbaugun at balat, ay at fakonun liung ay deut.

Isayas 59:17

Kanya nafakamulun at matuyan tuga at famalabag sit dubdub, ay nasulun yangay fakalangfeun tuga at famalabag sit alfuyu. Ay kanya gsulun tuga at lanbung laman famasud ay at maksvn fag dotama.

Ester 8:15

Ay Mardukyu nu naduksun siginans fun at bale, kanya galanbungan malaksi ay maubian, ay sik lanbung aba at mawatan siginan at masine fag ramit maubian, ay gasangboan at mawatan siginans gintu, kata fun nu galanbungan. Ay ngay taw sis furuan Susa maksvn nu guro guseganan.

Ester 5:1

Gina sis fatuluk menit, Ester nasulun at fagsulunun gugat fag lanbung at famatoglag te, fun at mangena, ay kanya namalindug sis fun at basad bale gsalubang sat fun at suluk. Ginanya, fun malunggung sit faglunggungan ay gsalubang sabaliwas sakbawan.

Ester 4:2

Dewa katanya, si way tsigon day sakbawan fun at bale, aroro wa masine gfasakbo sas fun at bale at ke sulun saku.

Ester 1:11

Sanya ginan, fun nafauro at mangena Basti. Ay nasugu te, suluni at sangbo laman gfalag at kasinean sa sangay tagfangguna ay sat ngay betaw aroro kanya maksvn nu masine.

Ester 1:3

Ay gina sis fatuluk banwa nu gfunan, kanya nafalganan sik fagmafulun daul laman sat ngay tagfagtainan ay sat ngay fagsuguan ay sa tiba yak tagfakamulun sit bale. Nasanya yangay Persya ay Medya at ngay fun tagfawayan, ay anggan takadungug fag ngay taw ay ngay fun ayu sirut siginan sangay afud talun.

2 Fun 1:8

Ay kanya fagayu nabalus te, “At lanbung mawatan siginans fagbaugun at sigyu, ay e famutus fagwan mawatan yangay siginan fagbaugun at balat.” Fun nalong te, “Ay nalag Elyas, fag taw Tisbe.”

1 Fun 10:5

ay at ngay fakonun tagsit fagfangonan, at ngay fagsuguan ay at ngay tagfangguna at ke ngay lanbung masine, ay at ngay tagtalin fanginum, ay at fagirugun fag ngay fanggalangun sis Yawi at bale.

2 Samwel 19:35

Katsi ku banwa waluk safulu wan, ay kwa manamnam ya at mataba ay at yud mataba fag fakonun. We namnam ya sa angku ngay fakonun ay fanginum. Ay kwa yangay gdungug ya tagalubad. Gfaidapan kway ban emu, mesug fag fun.

Mateu 11:8

Ay nu bunyay kanya ay fagyalagunun, nataw ya fia ay fagyalagunun sanya? O kaylat am nanlag sik taw at ke lanbung at maksvn nu masine? Takatanya fag taw nu gbanwan sa tua tiba tungud fag fun at bale.

Lukas 7:24

Ay Uan at ngay tagadal nu nalo wan, Isus gfasigad gfoyung sa sangay taw sabaliwas Uan te, “Wain ro ay fagnaloun sas talun at yud e taw? Nataw ya ay fagyalagunun sanya? O kaylat am nanlag sik sigbo, tagmara at fagfauyusun?

Lukas 7:26

Ay nu bunway kanya, nataw ya ay fagyalagunun? O kaylat am glag Dius at taglong at sadi? Ay kin, nu katanya, glong au ayu te, Uan gtungud tua tibak taglong.

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.