Lukas 7:22 - Fanawbuid tagsibaliwas Fakayabian

²² Ay Isus gbalus Uan at ngay tagadal te, “Loi wan ay foyungi sas Uan ay nadungug ay ay nalag. Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Lukas 7:22 Referans Kwoze

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

Mateu 21:14

Ay arodi ngay taw yud glag ay yud malo nanangakbang sas Isus gina sis Dius at bale, ay Isus nafafia anya fagayu.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Lukas 7:21

Ginanya, Isus nafafia ngayuk taw at ke fakasaitun, ay ngayuk taw at ke mauri fag falad. Ay nafafia yangay ngayuk taw at yud glag.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

Eremyas 31:8

Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Isayas 43:8

Yawi nalong yay te, “Uroi ku ngay taw at yud glag dewa e mata, ay at yud gdungug dewa e talinga.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Alubad. 146:8

Yawi gfasik taglag ngay yud glag, ay gfabitsug fagayu at kinmomuy, ay kesug fagayu at matuyan.

Ub 29:15

Ngay taw at yud glag, au wan tuga at mata, ay at yud malao fag ngay taw, au wan tuga at darafa.

Fakamulun 8:7

Ay kanya naiyan ngay mauri fag falad ay gina at mauri fag falad gduksun siginan sa ngay taw, guro. Ginanya, nafafia yangay at yud malao ay tagalbi fag ngay taw.

Uan 1:46

Natanael ginto te, “O nunda e batang kadasug at masine siginans Nasaret?” Felipe nabalus te, “Wainyayo, nandamai.”

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Lukas 7:23

Mauseganan tua sik taw nu ddi gaduanun sa angku.”