Lukas 6:8 - Fanawbuid tagsibaliwas Fakayabian

⁸ Ay Isus nasaful kafag ngay taw Fariseu at amatanganan, ay nalong sat yud mafalelegan at daluap te, “Gewan, stei sfagunan.” Ay kafag mangama nanangakbang ay namalindug sanya.

Lukas 6:8 Referans Kwoze

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

Mateu 9:4

Ay Isus nasaful kafag ngay taw at amatanganan, ay glong te, “Wain ay fagamatanganun at mauri?

1 Pedru 4:1

Dakngani tam Fun Isus at bilug nainkidapan wan, anggan am masine nu mafalganan am sas fagagwantanun. Aroro nusnga sinu at nagwantan sas fagidapun, kanya wa gugali ya sas asalanan.

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

Filipus 1:28

ay diam kalimu ay ngay fawayan. Takatanya ay fakamulun gfatoglag te, ay fawayan ban umfaurianan, ay dewa katanya, Dius gfalangfe tua ban ayu.

Fakamulun 26:26

Fun Agripa, maseganama nu gfoyung au emu, aroro nasaful wo takatanya fagayu. Antuyan au te, nalag o fagayu takatanya, aroro wa masuksukan.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Uan 9:4

Kaduge mamenit yay, masine nu gfakamulun tam at nasugu angku at fagyafakamulunun. Aroro nu nyabi wan, we taw ya mafakamulun.

Uan 2:25

Isus wa gafanud dewa e gfoyung sa anya te, matuyan ngay taw at ugali, aroro saful way ngay taw at amatanganan.

Lukas 5:22

Ay Isus nasaful kafag ngay taw at amatanganan ay glong te, “Wain ay fagamatanganun takatanya?

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Alubad. 44:21

o wa ro wo saful? At matuyan, saful way o dewa ngay taw at fagsuksukun sit amatanganan.

Ub 42:2

“Nasaful au te, mafakamulun o fagayu, ay nusnga sinu we mafaragang emu.

1 Krunika 29:17

Ku Dius, nasaful au te, nainsaful o em ngay amatanganan ay guseganan o nu nalag o te, matuyan tuami. Nu katanya, matuyan ay bundi fabulunan nu gfon au sa emu tuy fagayu. Ay guseganan au aroro nalag au te, anggan am ngay taw tagste di gafabulunan nu gfon.

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

Lukas 6:9

Ay Isus nalong sas fagayu taw te, “Ginto au ayu te, inday tagfaning tam faugali sabaliwas Famiangalay fag Menit: o nu gfakamulun at masine, ay mannga nu gfakamulun at mauri; o nu gfalangfe sik taw ay mannga nu gfabul sik taw?”

Markus 3:3

Ay Isus nalong sat yud mafalelegan at daluap te, “Gewan, stei sfagunan.”

Lukas 13:12

Ay Isus nu nalag anya, gfakbang anya ay glong te, “Fagmangena, anfia wan am fakasaitun.”