Lukas 6:49 - Fanawbuid tagsibaliwas Fakayabian

⁴⁹ Dewa katanya sik taw at nadungug ku longan ay at yud gfaning, kanya kata way sik taw at nawat at bale ay yud naali ya at fagturukan. Nu nalugwak, at bale ansuak wan.”

Lukas 6:49 Referans Kwoze

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Mateu 23:3

Ay nu katanya, faningi fagayu at longan ayu. Ay lag gfaning at ugali, aroro kanya gfoyung way lang ay wa gfaning at foyungan.

Fangatulun 28:18

Sik taw tagugali sat matuyan, umlangfe siginans faurianan, ay sik taw tagugali sat mauri, gafaurianan wa vtv.

1 Uan 2:19

Ebi, kafag ngay tagfawayan tam Fun Isus magamut tua antam, ay katsi naubun wan antam. Kanya fagayu bunwa fia tam ibama, aroro nu tam ibama di, masadi tua ro tam nangus gugat. Ay kanya naubun way antam, sik famasaful te, kanya fagayu bunwa tam ibama.

Uan 15:2

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Lukas 12:47

“Sik fagsuguan, dewa nasaful at tagfayafun at fakaylatun, nu dway gfaning ay nu dway gfakamulun at fanambagun, kanya ban gafaurianan maksvn.

Lukas 6:46

“Wain ro ay fagngayanun angku te, ‘Ku Fun, ku Fun,’ nu dway ngap am gfaning ku longan?

Markus 4:17

Ay kanya fag ngay taw nu gafanud wa glugo, kata kafag bvtang nu yud nalalid. Fagidapun ay famaskud nu ndasug aroro siginan at nadungugan Dius at Longan, kanya fagayu gfangafoliun way.

2 Pedru 2:20

Kafag ngay taw nu nalfas ste ginan swa daga fag fagmauriun siginan nu gtoglag Isus, tam Fun ay tam Tagfalangfe, ay kanya fagayu nu nfoli way ay nadog nagbilugan asalanan, nu mauri gtungud yay ebi taguna.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

Fakamulun 26:11

Ay malayun nu glao au sa sangay bale fakafulan laman namaurianan at maful sanya, ay gfabulun au laman kanya fagayu glong at mauri sas Dius. Ay aroro maksvn nu kadotama au anya fagayu, gugatan au dewa sa tangayayu fag ngay furuan laman namaurianan anya fagayu.

Fakamulun 20:29

Saful kwa te, nu nalo kwa ban, e kadasug ban sa ayu sik tagfangagat fag idu talun, ay gugatan namabul ay fagalagaun fag ngay tupa.

Lukas 19:27

Nusnga sinu fag taw takauri nu gfunan au, tabani stie ay gfabul au si ku salubangan.’ ”

Lukas 19:14

“Ay tibak taw sanya fag talun kauri kafag fun, nu katanya, kanya fagayu nasugu sik ngay tagfosuk longan sa kafag fun at talun laman nanlong sanya fag ngay taw te, ‘Wami kaylat tuy fag taw nu gfunan emi.’

Mateu 24:10

Ay ginanya ban ngayuk taw gubun at fagafanudun. Ay kanya ban fagayu gfoyung at ngay iba sat mauri fag ngay taw ay kadkaurian.

Usea 4:14

Dewa katanya, kwa ban gfaurianan ay ngay baguina ay ay nugang fag ngay mangena, dewa nafakamulun takatanya, aroro am fag ngay mangama, nanamataladan yangay am takamatugtug fag ngay mangena, sis fagnansegan fag bale, gina am gfon ngay fanggalangun. Nu katanya, gfaurianan kban ayu aroro wam nasaful at matuyan.

Lukas 6:48

Kanya kata sik taw takawat at bale ay naali ngabasad, ay at turuk antungkud sas gang. Lugwak nu ndasug sat bale, di guigan at bale, aroro mogat tua.

Lukas 7:1

Isus nu ntabu wan nu gfoyung sa sangay taw, kanya nasas Kapernaum.