Lukas 6:48 - Fanawbuid tagsibaliwas Fakayabian

⁴⁸ Kanya kata sik taw takawat at bale ay naali ngabasad, ay at turuk antungkud sas gang. Lugwak nu ndasug sat bale, di guigan at bale, aroro mogat tua.

Lukas 6:48 Referans Kwoze

Alubad. 62:2

Kanya way lang ku fagsarigan, ku tagfalangfe ay ku fagsarirungan. Nu katanya, kdi kamomuy.

Isayas 28:16

Nu katanya, katatuy Yawi tam Fun at longan: “Dungugani fagayu am! Namae fagfatungkudan au gang sas Siun; sik gang maksvn, ay at yud guigan, ay mafanud. Nusnga sinu tagafanud sa anya di ban e fakaplaun.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.

Isayas 26:4

Fagayu am afanudi tua gugat sas Yawi, aroro kanya wan sik gang tam fagsarirungan kabavn ban.

Efesu 2:20

Itam fag ngay tagafanud kata tam sik bale daul, tam turuk, Isus at ngay nasugu wan ay Dius at ngay taglong, ay tam fagtungkudan turuk, we tiba nu bunway tam Fun Isus wan.

1 Uan 2:28

Ku ngay sisian, nu katanya, mabanwani tua sis Isus, laman ban kanya nu ndasug, e fagmanabayanun tua tam, ay di ban tam kapla gina ndasug.

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

Alubad. 32:6

Nu katanya, fagayu taw at matuyan masine nu gdarangin sa emu kaduge e buknga, laman dewa faurianan andasug kata sik lugwak, kanya fagayu di kafaurianan.

2 Samwel 22:32

Yawi, o wan at matuyan fag Dius, ay we tiba ya. Ay o way lang ku fagsarigan fag gang.

Fangatulun 10:25

Sik fulug nu ndasug sat mauri fag taw, kafag taw umbul wan, dewa katanya, at matuyan fag taw kabavn maksvn tua.

2 Samwel 22:47

Yawi, gleleg tuo kabavn! Ay gfauseganan ami emu, aroro o wan at mogat fag fagnansarigan, takata sik gang. Dius, o wan ku tagfalangfe ay ku fagfausegananun.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

2 Pedru 1:10

Ku ngay faduksay, ugatani atuyani te, Dius tuam at ngay nafili. Aroro nu katanya tua ay fakamulun, di ban am kamomuy.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Naum 1:8

Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Alubad. 95:1

Gewan, guro tam ay galubad guseganan sas Yawi, tam tagfalangfe ay tam fagsarirungan fag gang.

2 Samwel 22:5

Fakabulun kata sik tagbia fag lugwak at nafalimus angku,

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

2 Samwel 22:2

Katatuy at alubad: Yawi, o wan ku fagsarigan at mogat, ay ku tagbalabag. O wan ku tagfalangfe, ku tagdiri, ay ku taggubuk. Yawi, sa way lang emu nu glagyu au ay nu nansarirung au. Nafalangfe o angku siginan at mauri fag ngay taw.

1 Samwel 2:2

Yawi way lang at yud e malong. We mafasud anya. We tibak fagsarigan at mafasud Dius.

Deuterunumyu 32:31

Aroro tam ngay fawayan at fagsarigan fag gang, wa kata tam fagsarigan fag gang, ay kanya fagayu nasaful yangay.

Deuterunumyu 32:18

Kanya fagayu wa gamatang ya at tagfalangfe fag Dius, at fagnansarigan fag gang at nawat anya fagayu.

Lukas 6:47

Fagayu taw at kindasug sa angku, ay at nadungug ku longan, ay at nafaning, gfasaful au ayu at fagfafaskudanan.

Lukas 6:49

Dewa katanya sik taw at nadungug ku longan ay at yud gfaning, kanya kata way sik taw at nawat at bale ay yud naali ya at fagturukan. Nu nalugwak, at bale ansuak wan.”