Lukas 6:37 - Fanawbuid tagsibaliwas Fakayabian

³⁷ “Lag gamatangan sabaliwa ay iba te, mauri at fakamulun, laman ban Dius di gfoyung te, mauri yangay ay fakamulun. Ay lag am glong te, ‘Dius nangus gfaurianan wan kafag ngay taw tagfakamulun at mauri,’ laman ban Dius wa gfaurianan ayu. Falyami tua ay iba at asalanan sa ayu, laman ban Dius gfalyam yangay ay asalanan.

Lukas 6:37 Referans Kwoze

Efesu 4:32

Nu bunway, madmalukmeani tua ay edkesugani, ay fadfalyamani tua nu nke fagmauriun sa ay iba, kata Dius nu gfalyam ay asalanan siginan tam Fun Isus.

Santiagu 5:9

Nu katanya, lag am kadkaurian, laman Dius di ban gfaurianan ayu. Aroro munakbang wan tam Tagfatuyan nu kadasug.

Markus 11:25

Ay gina am malindug gdarangin, falyami ay iba nusnge wain at mauri at fakamulun sa ayu, laman ay Mama sas banwa gfalyam yangay ay ngay asalanan.”

Kulusas 3:13

Maluayani tua, ay fadfalyamani nu e fakauriun way am sas galay at sadi, aroro Fun nafalyam tua ay ngay asalanan.

Mateu 5:7

Mauseganan ngay taw takafanyu tua at iba katsi, aroro e kafanyu yangay ban anya.

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Mateu 18:30

“Ay at fagbedanan fag fagsuguan wa kafafanya ya. Ay naubung wan at usama, ay ya gfalfas yakmay nafabayad at bedan.

Lukas 6:36

Afanyui, kata ay Mama nu mafangafanyu.

Lukas 23:16

Nu katanya, namafaurianan kway lang anya ay gfalfas kwan.”

Fakamulun 3:13

Duan! Bundi ami! Nu bunway tam mangaguyang tua Abrayam, Isak ay Akub at Dius at nafakamulun takatanya laman gfon famauseganan sat fagsuguan Isus. Ay nafon am anya sat mabalyanan fag ngay taw laman namabul, ay nafauri am anya sis Pilatu at daga salubangan, dewa kanya kaylat gfalfas anya.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.