Lukas 6:35 - Fanawbuid tagsibaliwas Fakayabian

³⁵ “Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Lukas 6:35 Referans Kwoze

Uan 13:35

Nu kedkesugan tuam, fagayu taw sumaful te, ku ngay tagadal am.”

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Alubad. 145:9

Yawi, matuyan tuo sas fagayu, ay kafanyu tuo fagayu am nawat.

Fangatulun 22:9

Nusnga sinu tagfon tua at fakonun sat yud e kwa fag ngay taw, matuyan, e ggubuk yangay ban anya.

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Alubad. 112:5

Gfon tua nusnge wain sa sik taw takamon, takamabedan ay at yud kamalingun.

Uan 15:8

Gfafauseganan am ku Mama nu ngayu tua ay rawvg, ay nu katanya tua, gfatuyan am te, am wan ku ngay tagadal.

Alubad. 37:26

At matuyan fag taw kabavn kamon tua ay kamaulbus, ay at ngay sisian sik fagulitan tua.

Fakamulun 14:17

Dewa katanya, Dius nafalag tua sa ayu te, kanya si wa gugat ayu siginan at ngay fakamulun at masine. Dius nafadasug sa ayu arak ay faggutluun sit kasakan fag buknga, laman e fakonun tuam ay guseganan.”

Lukas 1:32

Kanya ban mabalyanan ay gfangayan ban te, Tiba Tungud at Baguama. Ay Dius tam Fun namon ban anya at mangaguyang Dabid at fagmafunanun.

Markus 5:7

Isus glong sa anya te, “O fag mauri fag falad, loi wan sanya ginan fag taw!” Ay maksvn kafag taw nu guro te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu sis Dius at daga salubangan te, lag gfauri angku.”

Alubad. 58:11

Ay ginanya ban ngay taw glong te, “Anud, at matuyan fag ngay taw e bulan fia, ay e Dius taginsaful sas fagdaul daga.”

Mateu 5:9

Mauseganan ngay taw nu mafafalukmeanan tua tiba, aroro kanya ban fagayu kangayan te, Dius at ngay sisian.

Lukas 6:36

Afanyui, kata ay Mama nu mafangafanyu.

2 Timuteu 3:2

Ngay taw ban kamasadiliun, ay galabian salapi, ay kamatungudun, ay kamuag, ay glong at mauri sat ngay iba, ay kamabo at fagtainan, ay wa saful gfauseganan sas nusnga sinu dewa e nafakamulun sa anya at masine, ay wa gfaning Dius.