Lukas 6:30 - Fanawbuid tagsibaliwas Fakayabian

³⁰ Foni sas fagayu taget sa emu, ay nu e naago emu am ramraman, lag o namul ya.

Lukas 6:30 Referans Kwoze

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Fakamulun 20:35

Sas fagayu ku nainlufuyan nafalag au ayu te, masine nu ggubuk at ngay mamomuy, ay gamatangan tam Fun Isus at longan te, ‘Amauseganan yap tagfon nu gamut tagbul.’ ”

Mateu 6:12

Ay falyami em ngay asalanan kata nu gfalyam ami em ngay iba at asalanan sa emi.

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Fangatulun 21:26

At momuy fag taw ngayu at fagalabianun, dewa katanya, at matuyan fag taw kamon tua.

Alubad. 41:1

Mauseganan sik taw nu ggubuk tua ngay taw at yud e kwa. Nu nke fagidapun, Yawi ggubuk yangay anya.

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 11:41

Foni tua sat yud e kwa laman masine tua fagayu tagsi ayu.

Lukas 6:38

Famoni tua ay e gfon yangay ban ayu, aroro at famafoli ban sa ayu matignan tua ay matarangas. Aroro nu seyuk tasan ay nafon sa ay iba, kayu yangay ban nya at fon ayu.”

Mateu 18:35

“Ay katanya yangay ku Mama sas banwa at fakamulun sa ayu nu dway am nafalyam ay faduksay at asalanan sa ayu.”

Takamoyung 8:16

Kaduge au gidapan gamatangan fagayu takafasludan stes fagdaul daga, nasaful au te, kaksvn kanya ngay taw nu gugatan gfakamulun kayu menit ay yabi.

Fangatulun 22:9

Nusnga sinu tagfon tua at fakonun sat yud e kwa fag ngay taw, matuyan, e ggubuk yangay ban anya.

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Efesu 4:28

Tagfangkamul lag gfangkamul ya, nu bunway fakamuluni tua nusnga setaw at masine laman mafagubuk ngay tagayudan.

Takamoyung 11:2

Am salapi fasai tua tagsaman saman fag famaloun, aroro wo saful nusnga setaw takadasug fag ngay mauri stes fagdaul daga.

Mateu 5:39

“Ay katsi glong au ayu te, lag gfasud ya dewa e nafauri ayu. Sik taw nu nafalang am siun fag fingi, fasalubangi am wala fag fingi.

Lukas 6:29

Ay sik taw nu nafalang am fingi at sadi, falagi yangay am fingi sit sadi fag tigyangan. Ay nu e gago emu am fangumutan, foni wan, ay nu nabul am lanbung, foni yangay.

Lukas 6:31

Ay nusnge wain ay fakaylatun ay iba at fakamulun sa ayu, katanyai yangay ay fakamulun say iba.