Lukas 6:20 - Fanawbuid tagsibaliwas Fakayabian

²⁰ Isus nadama at ngay tagadal ay nalong te, “Mauseganan tuam, am fag ngay taw at yud e kwa, aroro Dius gfagtainan ayu.

Lukas 6:20 Referans Kwoze

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Lukas 12:32

“Lag am gafanawa, deyud am ngayu, aroro ay Mama naylat gfagtainan ayu.

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

At Nafasure 2:9

Saful kwan ay fagagwantanun fag ngay fagidapun. Saful kway te, sik ngay maidap way am, ay at matuyan maramraman am. Ay saful kyangay te, e gfalingun ayu. Kanya fag ngay taw kamuagan te, sik ngay taw Udyu, ay at matuyan kanya fagayu Satanas way at ngay taw.

2 Kurintu. 6:10

Maksvn nu kabalu ami, ay dewa katanya, guseganan tuami gugat. Dewa mi kata at yud e kwa, gfaramraman tuami ngayuk taw. Ay dewa mi kata at yud e fagagbilugun, e kwa tuami fagayu nusnge wain.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

2 Tesalunika 1:5

Kanya wan tagfatuyan te, Dius saful tua gfili takalangfe ban, ay nu katanya kanya tagfatuyan te, namagamut ban ayu sas Dius at fagfagtainanan. Kanya wan ay fagagwantanun katsi.

1 Tesalunika 1:6

Ay nafaning tuam emi ay tam Fun. Ay dewa maksvn ay nadalan fag ngay fagidapun, naylat tuam at Masine fag Barita, siginan at Masine fag Falad at fon ayu fag fagusegananun.

2 Kurintu. 8:2

Kanya fagayu guseganan tua dewa nadalan at maksvn fag ngay fagidapun. Ay guseganan tua kamon, dewa yud ngayu ya at ramraman.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Lukas 14:15

At sadi at malunggung sis fagfangonan nu nadungug Isus at longan, nalong sas Isus te, “Mauseganan sik taw nu nanfangon nu sa tuas Dius at fagfagtainanan.”

Lukas 13:28

“Nu nalag ban am Dius nu gfagtainan Abrayam ay Isak ay Akub, ay anggan Dius at taglong fagayu, ay am ban naiyanan way am, gwayway ban am gugat ay gfaringgit ay ngay bagang.

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Sakaryas 11:11

Ay ginanya fag menit Yawi nafayud e masuad at nasadian. Tagfalao ngay tupa tagdama angku nasaful te, Yawi nafae masuad ku ngay nafakamulun takatanya.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Fangatulun 19:1

Amasine yap at maidap fag taw nu matuyan tua nu gbanwan, nu gamut sik yud mamatanganan fag taw takamuag.

Fangatulun 16:19

Gtungud yay nu masine nu mabanwan nu masuyu tua, ay magamut at maidap fag ngay taw, nu gamut ngay taw takamatungudun ay gfafudan at ngay nafangkamul.

1 Samwel 2:8

Kanya ggubuk at maidap fag ngay taw siginans fagidapun. Yawi e fagmabalyananun gfae fanambagun at maidap fag ngay taw magamut ngay fun ay gfae fagusegananun. Yawi wan tagagbilug fagdaul daga at fagtungkudan.

Lukas 16:25

“Abrayam nabalus sat maramraman fag taw te, ‘Sama, amatangani gina am gleleg, o manabayan tuo, ay Lasaru gidapan way. Katsi sia masun tua ay o man tagidapan.

Alubad. 37:16

At matuyan fag taw at ramraman, dewa alay way, amasine yap tua sa sik taw tangayu at ramraman tagsiginan ways fagmauriun;

Mateu 5:1

Ay Isus nu nalag sanya fag ngay taw, kanya naulul yay sa sik buksul ay malunggung sanya. Ay at ngay tagadal nangakbang sa anya.