Lukas 5:8 - Fanawbuid tagsibaliwas Fakayabian

⁸ Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.”

Lukas 5:8 Referans Kwoze

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

At Nafasure 1:17

Gina au nalag anya, anlub au sit daga salubangan ay kata wan nu nbul au. Ay kanya nafatayuk sa angku at siun fag daluap, ay nalong te, “Lag o kalimu. Au wan taguna ay taguyan.

Tagfangguna 13:22

Ay Manwa nalong sat mangena te, “Matuyan kabul ro ta, aroro nalag ta Dius.”

Nu Galin 20:19

ay nalong sas Muisis te, “O yakman tagaringang sa emi ay gdungugan ro mi emu, deyud Dius tagaringang sa emi aroro manbul ro mi.”

Ub 40:4

“Kwa gbalus emu, gragangan kyakman lang.

1 Samwel 6:20

Kafag ngay taw ginto te, “Sinu at masalubang Yawi, at yud e malong fag Dius? Dada ban nu gfalin tam Fagsuadan Nasadian laman wa si ya antam?”

Mateu 17:6

Ay kafag tuluk tagadal, nu nadungug kafag longan, namalub at kaksvnan nu kalimu.

Uan 11:32

Ay Maria nu ndasug sas Isus, namalub sat salubangan ay glong anya te, “Ku Fun, nu ste di o, satu ro ku faduksay ya nbul.”

Mateu 8:8

Ay kafag tagfangguna gbalus te, “Deyud, ku Fun. Kwa matuyan. Kapla kway ro nu sak tua ro wo gsakbo sa ku bale. Aringangi way lang, ay ku fagsuguan ro umfia wan.

Mateu 2:11

Ay nu nasakbo wan sanya fag bale, ay nu nalag kafag sisian ay anggan at mina Maria, kanya fagayu namalub sasad salug ay gseg kafag sisian. Ay kanya nafaduksun at fagsuadan at ramraman, ay nafon sanya fag sisian sik ngay gintu ay ngay famaebebanglu ay anggan ngay lune.

1 Fun 17:18

Ay kanya fag fagbubayun nalong sas Elyas te, “Dius at fagsuguan, nataw am nadotaman angku? O nastae o laman namabul ku munama aroro sa ku ngay asalanan?”

2 Samwel 6:9

Ay ginanya fag menit, Dabid anlimu Yawi, ay nalong te, “Tain ro nu mafadasug au Fagsuadan Nasadian sa ku furuan?”

1 Kurintu 13:12

Aroro katsi nu glag tam, malikbug yay, kata yay nu nadama tam sa sik salaming, ay nu ndasug ban sik menit fagayu nusnga setaw mayamag tua sa antam. Ay katsi tam fagsafulun ya kasakan, dewa katanya nu ndasug ban sik menit, Dius gfasaful ban sa antam fagayu nusnga setaw.

Lukas 5:7

Ay kanya fagayu gyafe laman ggewan at ibama tagsi tibak sakayan lino, laman ggubuk. Ay at ibama ndasug ay at ba albon ankapnu at sakayan fagdua ay arvs gakalubgubun.

Lukas 5:9

Simun nalong takatanya aroro kanya ay at ngay ufud andulo maksvn, nu nalag at nagamat fag ngay albon.