Lukas 5:21 - Fanawbuid tagsibaliwas Fakayabian

²¹ Ay sanya fag ngay tagfoyung Muisis at Faugali ay taw Fariseu gfasigad gamatangan te, “Sinu tuy fag taw, at nalong at mauri sas Dius? Dius way lang at mafafalyam asalanan.”

Lukas 5:21 Referans Kwoze

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Uan 10:33

Ay kafag ngay taw gbalus anya te, “Em fagnamanaun emu bunwa siginan am ngay fakamulun at masine, nu bunway aroro nalong o mauri sabaliwas Dius. Aroro kamaningan o te, Dius yangay o, dewa o sik taw way.”

Lukas 7:49

Ay Isus at ngay ufud sis fagfangonan gfasigad gidgintoan te, “Sinu tuy fag taw, at mafalyam anggan asalanan?”

Mateu 26:65

Ay tiba tungud fag tagfon fanggalangun nagirat at lanbung, ay nalong te, “Mauri tuy fag taw at longan sas Dius. Lag tam kaylat ya tibak taw tagfoyung at asalanan, aroro nadungug watam at longan mauri sabaliwas Dius.

Alubad. 32:5

Yawi, nafoyung au sa emu ku ngay asalanan, ay dakdi nasuksuk. Anud nalong au sa ku sadili te, “Namoyung au sa emu ku ngay asalanan.” Ay nafalyam tuo.

Ruma 8:33

Sinu at malong te, Dius at ngay nafili e asalanan? Dius wan at nafangayan kafag ngay taw te, kata nu yud e asalanan.

Daniel 9:19

Em Fun, dungugi emi, ay falyami em asalanan. Gubuki emi masakit aroro sa am ngayan, aroro gagbilug o am furuan daul ay am ngay taw.”

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Alubad. 130:4

Dewa katanya, nafalyam tuo em ngay asalanan, laman gsuyu tuami emu.

Alubad. 103:3

Kanya nafalyam tua fagayu ku asalanan, ay nafafia fagayu ku fakasaitun.

Lukas 5:17

Sik menit, kaduge Isus gfoyung, e ngay taw Fariseu, ay sik ngay tagfoyung Muisis at Faugali malunggung sanya. Kafag ngay taw siginans fagayu furuan tagsis talun Galilea ay talun Udea, ay siginans furuan Erusalem. Ay Dius at fagmabalyananun antayuk sas Isus laman mafafia at ke ngay fakasaitun.

Mateu 9:3

Ay tibak tagfoyung Muisis at Faugali gkamatoan te, “Tuy fag taw nalong at mauri sas Dius.”

Mikas 7:19

Gdog yay ban o kafanyu emi ay gfalyam em ngay asalanan kata ebi am nafakamulun, ay nangukas o sasad fagngabasadan dagat.

Alubad. 35:5

Yawi, nu setain tagmara nu gfalayug ngay upa, katanya yangay nangus am tagbarita nu gfafalo kanya fag ngay taw mauri.

Lukas 3:8

Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Lukas 5:22

Ay Isus nasaful kafag ngay taw at amatanganan ay glong te, “Wain ay fagamatanganun takatanya?