Lukas 4:7 - Fanawbuid tagsibaliwas Fakayabian

⁷ Nu gseg tuo angku, o ban tagagbilug fagayu tuy.”

Lukas 4:7 Referans Kwoze

Lukas 8:28

Kafag mangama nu nalag Isus, nauro ay namalub sit daga salubangan, ay maksvn nu glong te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu te, lag gfauri angku.”

At Nafasure 22:8

Au wan Uan. Nadungug au ay nalag takatanya fagayu. Ay nu nadungug au ay nu nalag au, namalub au laman gseg tagbarita at nafalag sa angku takatanya fagayu.

At Nafasure 5:8

Ay kanya nu nabul wan kafag rirukan, kafag ufatk awatan tagleleg ay kafag duak safulu e ufatk fagtainan namalub gseg sis Tupa Riangan at daga salubangan. Ay galay at sadi gbitbitan sik gintu fag taya mapnu at famaebebanglu, sanya Dius at ngay taw at darangin. Ay mesa yangay gbitbitan fagfawangun at ke ngay bakyang.

At Nafasure 4:10

kanya fag duak safulu e ufatk fagtainan malub sis salubangan faglunggungan, gseg at malunggung sanya, tagleleg kabavn ban. Ay kanya fagayu nafatungkud at ngay sangbo sis salubangan faglunggungan, ay glong te,

Lukas 17:16

Ay kanya namalub sas Isus at daga salubangan ay gseg anya. Kafag taw siginans talun Samarya.

Mateu 2:11

Ay nu nasakbo wan sanya fag bale, ay nu nalag kafag sisian ay anggan at mina Maria, kanya fagayu namalub sasad salug ay gseg kafag sisian. Ay kanya nafaduksun at fagsuadan at ramraman, ay nafon sanya fag sisian sik ngay gintu ay ngay famaebebanglu ay anggan ngay lune.

Isayas 46:6

Tibak taw gfasure gintu ay sanbung salapi, ay namawat sa sangay taw takawat fagsegan, ay kanya fagayu nantudan ay nanseg at nafawat fag fagsegan.

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Alubad. 72:11

Ay kanya ban nangus fag ngay fun gfababaun tua sa anya. Ay fagayu ban nangus talun at taw gfaning tua anya.

Lukas 4:6

Ay Satanas nalong sas Isus te, “Gfon kwan sa emu fagmabalyananun ay fagmasineun laman nangagbilug ngay fagfagtainanan, aroro nafatigwanan wan sa angku kanya fagayu, ay e fagmabalyananun au gfon sas nusnga sinu ku fakaylatun ku fagfonan.

Lukas 4:8

Ay Isus nabalus te, “Dius at Longan at marirukan nalong wa te, ‘Segi am Fun, am Dius, ay sia yakman lang am fagfaningan.’ ”