Lukas 4:4 - Fanawbuid tagsibaliwas Fakayabian

⁴ Ay Isus nabalus te, “Duan. Dius at Longan at marirukan nalong wa te, ‘Sik taw nu gleleg, bundi lang siginans fakonun.’ ”

Lukas 4:4 Referans Kwoze

Deuterunumyu 8:3

Ay nafasik takamababaun ayu siginan sik fanlunus. Ay sanya ginan nafon ayu mana, am ay anggan ay mangaguyang ay fagyudun toglag fag fakonun. Yawi nafakamulun takatanya laman namoyung ayu te, bundi lang sis fakonun taw nu gleleg nu bunway si tuas Yawi at ngay longan.

Mateu 4:4

Ay Isus gbalus te, “Duan. Anriruk wan sas Dius at Longan te, ‘Sik taw nu gleleg, bundi siginan langs fakonun, siginan tua Dius at Longan fagayu.’ ”

Efesu 6:17

Suluni yangay ay famalabag si ay alfuyu ay buli ay fiso at Masine fag Falad at nafon ayu, at masuad Dius at Longan.

Mateu 6:31

Nu katanya, lag gafanawa te, ‘Daginan ban em fakonun?’ ay ‘Daginan ban em fanginum?’ ay anggan ‘Daginan ban em lanbung?’

Nu Galin 23:25

Nanseg am angku, ay Dius Yawi, ay namon au ayu tangayu fag fakonun, ay mamam, ay namafia au ayu,

Lukas 4:10

aroro anriruk wan sas Dius at Longan te, ‘Kanya sumugu at ngay tagbarita laman ggubuk emu,

Lukas 4:8

Ay Isus nabalus te, “Dius at Longan at marirukan nalong wa te, ‘Segi am Fun, am Dius, ay sia yakman lang am fagfaningan.’ ”

Lukas 22:35

Isus nalong sat ngay tagadal te, “Ebi gina au gsugu ayu te, lag am e sulpa, ay lag gasabian, ay lag am e lapak, o e fagayudanun yayam?” At ngay nasugu nabalus te, “Duan, wami e fagayudanun ya.”

Eremyas 49:11

Dewa katanya, kafamato ban si angku ay ngay kaiban at yud e fagtainan ya, ay nanggubuk kban anya fagayu. Ay ay ngay fagbubayun ban gseg tua angku.”

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Lukas 4:3

Ay Satanas nalong sas Isus te, “Nu Dius tuo at Baguama, longi stae fag gang te, ‘Akawati sik fakonun.’ ”