Lukas 3:9 - Fanawbuid tagsibaliwas Fakayabian

⁹ Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.”

Lukas 3:9 Referans Kwoze

Mateu 7:19

Ay fagayu kayu nu dway masine at rawvg, e gfuan ban ay gukas sasad afuy.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Lukas 13:9

Bangaran ban manga grawvg tua fadogan fag banwa. Ay nu dway ban e rawvg, gfuan waban ta dayvm.’ ”

Lukas 13:7

Ay kanya nalong sat tagalaga te, ‘Kauri au, tulu wak banwa nu gfoyfolian au gugat stae laman nanlag te, o e rawvg tua, ay kwe nalag. Fuani wan, aroro kanya we tungkul ay kamaut way ku daga.’

Mateu 3:10

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.

Ebreu 12:29

Aroro tam Dius kata sik afuy at mafafamin nusnge wain.

Daniel 4:23

Ay nalag yangay o, sik tagbarita siginans banwa at kindasug stae laman nanguro te, ‘Fuani kafag fun kayu, dewa katanya, fabayani way lang sanya at tud masiukan sanbung ay tansu. Ay kanya fag fun kayu sik fafaskudanan sa sik taw takabasa ban damug ay takon gadgaloan tagsis talun fag ngay mangilafang kaduge fituk banwa.’

Daniel 4:14

Kanya nauro te, ‘Fuani kanya fag fun kayu ay lifungi at ngay sanga. Buli at ngay don ay ukasi at ngay rawvg. Ay sabugi ngay mangilafang tagfalanbung sanya ay ngay manuk tungud tagfugad sit ngay sanga.

Esekyel 31:18

“Igiptu at fun, inday ro fag kayu tagsis tanuman Eden at tagfasud am fagmasineun ay am fagmabalyananun? Dewa katanya, umdasug yangay ban o sas daga daga magamut ngay kayu sis Eden. Magamut yangay ban o sa sangay kinbul sis awayan at yud gafanud sas Dius. Katanya ban at kumfasludan sas Igiptu at fun ay sat ngay taw. Au, Fun Dius Yawi, taglong tuy.”

Ebreu 10:28

Sik taw nu nafamabo way Muisis at Faugali, ay nu e nafatuyan way duak taw ay mannga tuluk taw, we afanyu ya gfabul anya.

Lukas 13:6

Isus nafoyung sik faydayuanan te, “Ebi, sik taw e tanum sik kayu igus sit gamasun. Ay kafag taw andasug laman nanlag te, o grawvg tua, ay nalag te, we rawvg.