Lukas 3:22 - Fanawbuid tagsibaliwas Fakayabian

²² ay at Masine fag Falad kadaga kata sik labikung ay naafun sa anya. Ay e naringang siginans banwa te, “O wan ku fakesugun ku Baguama; maksvn nu guseganan au emu.”

Lukas 3:22 Referans Kwoze

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Uan 1:32

Uan nafatuyan te, “Nalag au at Masine fag Falad nu kadaga siginans banwa kata sik labikung, ay gbanwan si anya.

Mateu 17:5

Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

1 Pedru 2:4

Sia wan ngay taw at naukas fag Gang tagleleg, dewa katanya Dius nafili anya ay kanya mafanud sa anya. Gina am kakbang sa anya,

Mateu 12:18

“Tuy wan ku fagsuguan, ku filian ay ku fakesugun, guseganan au anya. Namon au anya ku Falad, laman ban kanya namoyung sas sangay talun at ngay taw te, Katsi Dius matuyan namagtainan ayu.

Kulusas 1:13

Ay kanya nafalangfe antam siginans fagmadulumun at fagmabalyananun ay nafalin antam sat fakesugun at Baguama at fagfagtainanan.

Lukas 4:21

Ay Isus gfasigad gfoyung te, “Katsi fag menit, anfasludan wan ste fag afud rirukan kaduge am gdungugan.”

Mateu 27:43

Ay ngay tagfangguna nalong yangay te, “Kanya gafanud tua sas Dius, ay Dius nu kaylat tua anya, agvd, gulit watam, o namalfas ro anya katsi. Aroro kanya nalong te, ‘Au wan Dius at Baguama.’ ”

Mateu 3:13

Ay abandi vtv Isus andasug sas Liskung Urdan siginans talun Galilea laman Uan namasurung anya.

Mateu 3:16

Ay Isus nu nsurung wan, ay nu nlakwi siginan sad lino, banwa anluang ay Isus nalag Dius at Masine fag Falad nu kadaga kata sik labikung, ay naafun sa anya.

Markus 1:9

Ginanya, Isus andasug sas Liskung Urdan siginans furuan Nasaret sis talun Galilea. Ay Uan nafasurung anya sanya fag liskung.

Markus 1:11

Ay e naringang siginans banwa te, “O wan ku fakesugun ku Baguama. Maksvn nu guseganan au emu.”

Markus 9:7

Ay arodi sik linyabu nafarum anya fagayu. Ay sanya ginan sad linyabu e naringang te, “Kanya wan ku fakesugun ku Baguama, dungugani anya.”

Lukas 2:14

“Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Uan 5:37

Ay ku Mama at nasugu angku, kanya tagfatuyan yangay sabaliwa angku. Kabavn yam batang gdungug at aringang ay yam batang glag anya,

Uan 12:28

Mama, fasurei am fagmasineun.” Ay sik aringang andasug siginans banwa ay glong te, “Nafasure kwan ay gdog kyay ban namasure.”