Lukas 3:16 - Fanawbuid tagsibaliwas Fakayabian

¹⁶ Ay Uan nafoyung sas fagayu taw te, “Au, gfasurung au ayu sasad mamam, ay takadasug ban fag taw gtungud yay angku nu mabalyanan. Ay kwa masine nusdi at fagsuguan laman at nanluas at fansalod at lapak. Kanya ban namasurung ayu sat Masine fag Falad ay sas afuy.

Lukas 3:16 Referans Kwoze

Fakamulun 1:5

Uan nafasurung ngay taw sasad mamam, ay wa ban glugo ya, kasurung ban am sat Masine fag Falad.”

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Uan 1:33

Kya fia natoglag anya ebi taguna, dewa katanya, at nasugu angku laman namasurung ngay taw sas mamam, nalong angku te, ‘Nu lumag ban o at Masine fag Falad nu kadaga siginans banwa ay gbanwan sa sik taw, kanya ban tagfasurung ngay taw sat Masine fag Falad.’

Uan 1:26

Ay Uan nabalus te, “Au gfasurung kway lang sasad mamam, dewa katanya e sadi yay at magamut si ayu ay fagyudun toglag.

1 Kurintu 12:13

Aroro fagayu tam dewa taw Udyu ay taw Gresya, ay sik fagsuguan ay yud fagsuguan, ansurung tam laman masadi tam sa sik bilug. Ay sadi wayk Falad Dius at nafasakbo sa antam fagayu.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Isayas 32:15

Umfasludan wa fia takatanya yakmay ban umdasug at Masine fag Falad siginans banwa. Nu katanya, sanya ban fag talun umsik masine tua fag daga ay umsik araw.

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Fangatulun 1:23

Dungugani ku foyungan ayu fag ngay fansalag. Glong au sa ayu nusnga setaw tagsi ku amatanganan. Ay glong kyangay ku fakauriun tagsi ayu,

Fakamulun 2:33

Ay Isus nu siwas banwa, namalunggung sis Dius at siun baliwa, ay kanya nagbilug at Mama at nafatuyanan sa anya at Masine fag Falad. Ay Isus nafon yangay sa emi at Masine fag Falad kata ay nalag ay ay nadungug katsi.

Uan 7:38

Kata at marirukan sis Dius at Longan te, ‘Nusnga sinu tagafanud sa angku, mamam tagfon leleg gfamilugan sat amatanganan.’ ”

Fakamulun 10:44

Ay kaduge Pedru garingang, fagayu tagdungugan sanya anke Masine fag Falad.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Mateu 3:12

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Uan 1:27

Kanya ban tagguyan angku, kwa masine nusdi at fagsuguan laman at nanluas at fansalod at lapak.”