Lukas 23:5 - Fanawbuid tagsibaliwas Fakayabian

⁵ Ay ngay taw nafabulun te, “Tuy fag taw gfauri ngay taw sas fagdaul talun Udea siginan at ngay foyungan, ay kanya nu gfoyung nafasigad siginans talun Galilea ay ndasug stae.”

Lukas 23:5 Referans Kwoze

Uan 2:11

Isus nu gfakamulun katanya, sis Kana fag furuan, sis talun Galilea. Kanya yay lang Isus at nafalag taguna at madulo fag fakamulun, tagfatoglag te, siginans Dius. Siginan at nafakamulun takatanya, Isus nafasure at fagmasineun, ay sanya ginan at ngay tagadal nafanud.

Uan 1:43

Balabag di, Isus at algan glo sas talun Galilea. Ay nu ndasug sanya, kanya nalag Felipe ay nalong te, “Aloi angku.”

Markus 1:14

Ay Uan gina nkubung, Isus nalo sas talun Galilea, ay namoyung at Masine fag Barita sabaliwas Dius.

Mateu 4:23

Ay Isus nalo sas fagdaul talun Galilea laman namoyung sanya fag ngay bale fakafulan at masine fag barita sabaliwa Dius nu gfagtainan. Ay Isus nafafia fagayu taw, nusnge wain kafag ngay taw at fakasaitun.

Fakamulun 23:10

Ay nu nkaksvn wan kafag duak gaban nu gbadbaboan, tagfawayan at tagfangguna kalimu te, kafag ngay taw maradranggutan Pablu. Aroro katanya nafaduksun at ngay tagfawayan laman gago Pablu siginan sa ngay taw ay gtabanan sa sangay tagfawayan at fagmafulan fag bale.

Fakamulun 10:37

Ay nasaful yangay am at kinfasludan sis talun Udea, siginans furuan Galilea, gina Uan gfoyung sabaliwa nu gfasurung.

Fakamulun 7:57

Ngay taw tagdungugan anya nataup at ngay talinga ay guro, ay nagamat anya,

Fakamulun 7:54

Ay taw Udyu at ngay tagfangguna nu nadungug takatanya, maksvn nu kauri Esteban, sak gfaringgit at bagang.

Fakamulun 5:33

Ngay tagfangguna nu nadungug takatanya, maksvn nu kadotama, ay gyafabulun kafag ngay nasugu.

Uan 19:15

Ay kafag ngay taw gbarisanan guro te, “Fabuli wan. Fabuli wan. Tuktuki sas fasulungan kayu!” Ay Pilatu ginto e, “O gtuktuk kwan ay fun sas fasulungan kayu?” Ay ngay fun tagfon fanggalangun gbalus te, “We tiba em fun nu bunway talun Ruma at fun.”

Uan 7:52

Kafag ngay taw glong te, “O nunda sik taw Galilea yangay o? Adali Dius at Longan, ay sumaful o te, we taglong tagsiginans Galilea.”

Uan 7:41

Tibak taw glong te, “Matuyan kanya wa ngaro fia Dius at nafili fag Fun.” Ay tibak taw glong te, “Dius at nafili fag Fun wa siginans talun Galilea.

Lukas 23:23

Ay kaugat way ngay taw nu gfabulun ay nu guro te, “Tuktuki anya sas fasulungan kayu.” Ay taguro nababo.

Lukas 11:53

Isus nu galoun wan sanya ginan fag bale, kafag ngay tagfoyung Muisis at Faugali ay ngay taw Fariseu maksvn nu kadotama anya, ay kanya fagayu malayun nu ginto fagayu at fakaylatun sa anya,

Mateu 27:24

Ay Pilatu nu nasaful te, we tungkul ya at ngay longan sa sangay taw, aroro kanya fagayu ganangawayanun wan, kanya nabul sik mamam ay gfegus at daluap si sangay taw at daga salubangan. Ay kanya nalong te, “Kwe asalanan sa kafag taw at fakabulun. Siwa ayu.”

Alubad. 69:4

Takadotama angku ayu yap tua ku ngay buk. Ay kanya fagayu gyafabulun angku, deyud au e malong. Ay gfabulun glong sa angku te, “Fafolii,” deyud au nafangkamul.

Alubad. 57:4

Ku ngay fawayan gligung angku. At ngay bagang kata sik bangko, ay at ngay leplep kata sik fiso at maglat. Kanya fagayu kata sik ngay liun tagagatun sik taw.

Alubad. 22:16

Ay at mauri fag ngay taw gligung angku, kata ngay idu. Kanya fagayu nasulbung ku ngay daluap ay ku ngay darafa.

Mateu 2:1

Isus ansalug sis furuan Betleem sis talun Udea, gina Erudes gfunan. Ay abandi, sik ngay mamatanganan fag taw siginans fakamenitan fag talun andasug sas furuan Erusalem ay ginto te,

Mateu 11:1

Ay Isus nu ntabu wan nu gfoyung sat tagadal fag labi dua, kanya nalo sanya ginan laman namoyung sat dayu fag ngay furuan.

Lukas 23:6

Ay Pilatu nu nadungug takatanya, kanya nainto te, “O kafag taw sik taw Galilea?”