Lukas 22:55 - Fanawbuid tagsibaliwas Fakayabian

⁵⁵ Ay tibak taw nafaygang sis wabilug fagawean, ay kanya fagayu maligung sanya fag faygangan ay gfangenbung ay Pedru malunggung yangay gfasuglatan sanya fag ngay taw.

Lukas 22:55 Referans Kwoze

1 Kurintu 15:33

Lag am gadayan. Aroro sik faudgufudan nu mauri way gfauri way at masine fag ugali.

Lukas 22:44

Ay Isus gfaksvn nu gdarangin aroro maksvn nu kabalu, ay at fangenit nu ganting sas daga, kata sik taguk.

Mateu 26:3

Ay arodi ngay fun tagfon fanggalangun ay taw Udyu at ngay fagtainan anful sas Kayfas at bale. Kayfas tiba tungud fag tagfon fanggalangun.

Fangatulun 13:20

Kabavn am fadgaloan nu sik taw tua at ke fagsafulun, umke fagsafulun yangay o, dewa katanya, am fadgaloan nu sik yud way mamatanganan, umfaurianan ban o.

Fangatulun 9:6

Ubuni wan ay fagyudun e fagmamatanganun, laman ban ngaduge tua nu gleleg am, ay saful tuam gtogdungug.”

Alubad. 28:3

Lag o gfaurianan angku gasfuan at mauri fag ngay taw. Kanya fagayu masine at aringang, dewa katanya, mauri way at ngay algan.

Alubad. 1:1

Mauseganan tua sik taw nu ddi gbanwan kata tagasalanan fag taw at foyungan, ay nu ddi gfaning tagfakamulun at mauri, ay nu ddi galo ngay taw tagfalingun Yawi.

Lukas 22:56

Ay arodi sik fagsuguan fag mangena nalag Pedru sisad yamag, ay kafag mangena nu nadama, nalong te, “In at sadi tagalo Isus.”