Lukas 22:43 - Fanawbuid tagsibaliwas Fakayabian

⁴³ Ay Dius at tagbarita at sadi ansure sas Isus ay nafasun anya.

Lukas 22:43 Referans Kwoze

Mateu 4:11

Ay sanya ginan, Satanas naubun Isus. Ay sik ngay tagbarita andasug ay nagubuk anya.

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.

Mateu 26:53

O gamatangan am te, kwa ro mafaet sa ku Mama laman sumugu sa angku labi duak gaban tagbarita taggubuk angku?

Ebreu 1:6

Ay dewa katanya, gina Dius gsugu at Baguama fag sesadi ste swa daga, kanya nalong te, “Masine Dius at tagbarita fagayu nu gseg tua ban anya.”

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Lukas 22:32

Dewa katanya, nadarangin kwa emu, laman am fagafanudun wa kamomuy. Ay nu nfoli wo sa angku, faksvni anggan am ngay faduksay.”

Mateu 4:6

Ay Satanas glong yangay fia sas Isus te, “Nu Dius tuo at Baguama, tosi, aroro anriruk wan sas Dius at Longan te, ‘Kanya sumugu at ngay tagbarita laman ggubuk emu, laman at daluap gurug emu, laman am darafa di katuktuk sas gang.’”

Deuterunumyu 3:28

Dewa katanya, namoyung o sas Uswe at ngay fakamulun. Namaksvn o at amatanganan aroro kanya ban at nanfangguna kafag ngay taw nu gdife Liskung Urdan. Ay kanya ban namon sa anya fagayu am nalag fag daga.”

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Fakamulun 18:23

Ay Pablu wa glugo nu sanya, sanya ginan nalao wan laman nansibo sis talun Galasya ay Frigya at fagagbilugun fag ngay furuan laman namaksvn at ngay tagafanud at fagafanudun.

Daniel 11:1

“Gina taguna fag banwa Daryu fag taw Medya nu gfunan, au Gabriel, nagubuk au ay nafalangfe Mikael.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”