Ay Isus nalo yay sirut ay namalub sas daga ay gdarangin te, “Mama, nu masine di, buli siginan angku ku fagnandalanun ban fag faurianan. Dewa katanya, lag gfaning ku fakaylatun, nu bunway fadasugi am fakaylatun.”
Ay Isus gdog yay nalo sat dayu ay gdarangin yay te, “Mama nu dway masine gbul tuy fag faurianan siginan angku yakmay au nadalan, umfasludan nangus am fakaylatun.”
Ay Isus nalong te, “Mama, mafafakamulun tuo nusnge wain. Buli siginan angku ku fagnandalanun ban fag faurianan. Dewa katanya, lag gfaning ku fakaylatun, nu bunway fadasugi am fakaylatun.”
Ay Isus nabalus te, “Duan, wam nasaful ay fagetun at masuad. O nunda manandalan ban am ku fagnandalanun fag fagidapun?” Ay duksay nabalus anya te, “Sabv.”
“Kwe fagmafakamulunun sa ku sadili. Gfaning au ku Mama nu ginsaful au taw at asalanan, ay matuyan ku fakamulun nu ginsaful au taw at asalanan, aroro bundi ku sadili lang fakaylatun ku fagfaningun nu bunway at nasugu tua angku at fakaylatun.
Yawi, Israel at Dius, nalong sa angku te, “Buli si ku daluap fag taya at mapnu ku fandotaman ay namainum o sas fagayu talun nusnga nday nu gsugu au emu.
Ay ginanya, Isus glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw.
Isus nalong te, “Mama, falyami kafag ngay taw at fakamulun at mauri, aroro wa nasaful at fakamulun at masuad.” Ay kafag ngay tagfawayan gukas gang laman ginsaful te, sinu ro at nangagbilug Isus at ngay lanbung.