Lukas 22:29 - Fanawbuid tagsibaliwas Fakayabian

²⁹ Ay nu setain ku Mama nu gfalganan sa angku sik ngay taw ku fagfagtainanan, anggan ban au gfon au sa ayu fagmabalyananun gfunan.

Lukas 22:29 Referans Kwoze

2 Timuteu 2:12

Ay nu nagwantan tua tam, gfunan yangay ban tam gasfuan anya. Nu kauri way tam anya, kanya kauri yangay ban antam.

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Mateu 24:47

Matuyan nu glong au ayu te, at tagfayafun namatigwanan sanya fag fagsuguan fagayu at fagagbilugun.

Lukas 12:32

“Lag am gafanawa, deyud am ngayu, aroro ay Mama naylat gfagtainan ayu.

Lukas 19:17

“Ay at tagfayafun nalong anya te, ‘Masine tuo. Matuyan o fag fagsuguan, aroro matuyan tuo sa talay fag fakamulun. Katsi ban o wan tagfunan safuluk furuan daul.’

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

1 Kurintu 9:25

At nanggudgunan maksvn nu gfananad ay nu gfaragang at sadili laman mafabul sik sangbo takarasras way. Ay dewa katanya, itam fag ngay tagafanud, tam fagnamulun fag sangbo at yud tua ban karasras kabavn.

2 Kurintu. 1:7

Maksvn em fagsegun sabaliwa ayu, aroro nasaful wami te, e gfasun yangay ban ayu kata nu e nafasun emi, aroro masadi tuam sa em fagidapun.

At Nafasure 21:14

Ay kafag furuan at alad e labi duak fagtungkudan gang, ay sanya fag ngay gang marirukan Tupa Riangan at labi duak nasugu at ngay ngayan.

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Mateu 5:10

Mauseganan ngay taw nu e gfauri anya dewa masine at fakamulun, aroro Dius gfagtainan tua anya.

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’