Lukas 21:36 - Fanawbuid tagsibaliwas Fakayabian

³⁶ Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Lukas 21:36 Referans Kwoze

1 Uan 2:28

Ku ngay sisian, nu katanya, mabanwani tua sis Isus, laman ban kanya nu ndasug, e fagmanabayanun tua tam, ay di ban tam kapla gina ndasug.

1 Pedru 5:8

Mafuloani ay mafalganani aroro Satanas ay fawayan glo gsubang gugat kata sik liun, gligungan ay grvbvy at fagnangonun.

Mateu 25:13

Ay Isus nalong yangay anya te, “Mafalganani tua. Aroro wam saful te, ginain fia fag menit ay ginain fag lungud menit nu kadasug au.

Mateu 24:42

Nu katanya, mafalganani tua gugat, aroro wam nasaful te, ginain ay Fun nu kadasug.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

1 Kurintu 16:13

Mafalganani tua ay maksvni ay fagafanudun, magarasi tua ay mabakvdi.

Lukas 18:1

Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Markus 13:33

Mataganani tua gugat ay mafuloani, aroro wam nasaful te, ginanya nu kadasug au.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.

Mateu 26:41

Mataganani ay darangini tua, laman diam gafaskudan asalanan. Ay amatanganan mafalganan tua, dewa katanya, ay bilug mamomuy way.”

Malakyas 3:2

Dewa katanya, sinu ban fag taw at magwanta gina Dius kadasug? Ay sinu yangay ban at manangalindug sat daga salubangan? Kanya ban kadasug kata sik afuy nu gfadalusan sanbung ay kata sik famalyam lanbung at layungun. Kanya ban namasine ngay taw Lebi kata sik takawat sanbung nu gfasine salapi ay gintu. Ay kanya ban fagayu at fanggalangun gdog tua e tungkul sas Yawi.

1 Tesalunika 5:17

kabavn darangini,

Markus 13:37

Nu katanya, glong au sa ayu ay sas fagayu te, mafalganani.”

2 Timuteu 4:5

Dewa katanya, kabavn o manabayani tua ay mafalganani, ay agwantani tua nusnge wain fag fagidapun. Foyungi at Masine fag Barita sat yud gafanud, ay fakamuluni fia fagayu at nafatigwanan sa emu fag ngay fakamulun.

Kulusas 4:2

Fataglayuni nu mafandarangin am, ay fasfuani mafalganani ay useganani.

Fakamulun 10:2

Kurnelyu fag talanan gsuyu tua ay gseg Dius. Ay kanya nagubuk ngayuk taw Udyu at ke fagidapun, ay mafandarangin tua.

Alubad. 1:5

Nu katanya, gina ban Dius gfaurianan fag menit, wa ban umlangfe ngay taw tagasalanan, ay wa ban manangagamut sa sangay taw at matuyan.

Ub 27:10

O ay guseganan tua ro sat mabalyanan fag Dius? O ay kayu ro buknga guro anya?

Lukas 20:35

Dewa katanya, Dius at ngay nafili tagdog yay ban gleleg ginanya fag ngay menit, wa ban e gdadwaan ya.

Eremyas 35:19

nu katanya, nafatuyanan au te, Yeunadab, Rekab at baguama e gaban tua ban gugat at namakamulun laman sa angku. Au, Yawi at Mabalyanan, Israel at Dius taglong tuy.’ ”

Mateu 8:20

Ay Isus nabalus anya te, “Amatangani, sik idu talun e fagnansarirungan tua. Ay manuk tungud e fugad tua. Ay au, taw at Baguama, kwe fagtiugan.”

Mateu 24:43

Amatangani te, sik taw nu nasaful di te, ginanya ro tagfangkamul nu kadasug sat bale, kanya ro mafalganan tua, ay wa ro gfabayan nu gsakbo sat bale.

Mateu 24:44

Nu katanya, anggan am mafalganani tua. Aroro nu kadasug au, Taw at Baguama, gina way ban am yud gamatangan te, kadasug kwan.

Lukas 1:19

Ay tagbarita nabalus Sakaryas te, “Au wan Gabriel, kabavn gfakamulun au sis Dius at daga salubangan. Kanya nasugu angku laman namadungug au sa emu tuy fag barita at masine.

Lukas 21:35

Aroro kanya ban fag menit kadasug sas fagayu taw tagbanwan sas fagdaul daga.

2 Kurintu. 4:14

Aroro saful wami te, Dius wan at nafadog nafaleleg tam Fun Isus, ay kanya yangay ban gfaleleg anggan emi kata anya, ay gbuba ban antam sat day tigyangan.

At Nafasure 6:17

Aroro andasug wan at nafalganan fag menit at maksvn nu malimu, laman namaurianan ngay taw. Sinu yaban at manansalubang sat daga salubangan?”

At Nafasure 7:9

Ay nu ntabu takatanya nalag au ngayuk taw at yud e mafatap ya at kayuan. Kanya fagayu siginans fagayu talun, ay fagayu kasugfunanan, ay fagayu gaban taw, ay fagayu fangaringang. Kanya fagayu malindug sis salubangan fun at faglunggungan ay sis salubangan Tupa Riangan, ay galanbungan malaksi ay gbitbitan sik ngay tagisi at don at maragbuk.

At Nafasure 8:2

Ay sanya ginan, nalag au tagbarita fag fitu at malindug sis Dius at daga salubangan, ay e nafon sas galay at sadi budyung.

At Nafasure 11:4

Kanya fag duak tagfatuyan, duak kayu ulibu ay duak fagfatungkudan salung sis fagdaul daga at Fun at daga salubangan.