Biblia Todo Logo
Bib sou entènèt

- Piblisite -




Lukas 21:25 - Fanawbuid tagsibaliwas Fakayabian

25 “E fakatoglagan ban sis menit ay sis magdanun ay anggan si sangay galeme. Ay ste swa daga fag ngay taw kalimu ban, aroro wa saful at masuad dagat at fagfawasun ay at faglugwakun.

Gade chapit la Kopi




Lukas 21:25
26 Referans Kwoze  

Ngay galeme ban wa gdamlag ya. Ay menit dewa ansure, madulum way, ay magdanun wa gyamag ya.


“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.


Magdanun ay menit umdulum ban, aroro Yawi at Mabalyanan gfunan ban sas Buksul Siun, sis furuan Erusalem. Ay sanya ban nu msure at kamasuloan sa sangay fagtainan at daga salubangan.


Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.


Ay gfasure kban ngay madulo sis banwa ay ngay fakatoglagan sis daga; siginans taguk, afuy ay at maksvn fag anus.


Aroro au wan ay Dius Yawi tagfalugwak ay tagfafawas dagat. Ku ngayan Yawi at Mabalyanan.


Ay nu ntabu wan takatanya, fagayu taw lumag angku, Taw at Baguama, nu kadasug siginan sad linyabu, e fagmabalyananun au, ay e fagmasineun.


“Ginanya ban fag ngay menit, nu nlangfe wan kafag faurianan, ‘menit ban umdulum, ay magdanun wa gyamag ya,


“Ay nu nlangfe wan kafag faurianan, ‘menit ban umdulum, ay magdanun wa gyamag ya, ay anggan ban ngay galeme katong siginans banwa, ay fagayu ke fagmabalyananun sis banwa muigan.’


ay dagat dewa maksvn nu glugwak ay anggan nu kalung, ay at kaksvnan dewa guig ngay buksul.


Nu swabilug menit wan, andulum way lang fagdaul sanya fag talun. Ay nu madulum, sitsigon sfatulu sas fafun baliwa.


Sanya ginan, nabanawan au sas fagdaul talun ay nalag au te, we kawalungan ya ay we gleleg ya. Ay natangda au sas banwa ay we yamag ya.


Ay ginanya fag menit, gina kanya fagayu gfawayan ngay taw Israel, guro kaksvn dagat nu gfawas. Ngay taw nu nadama sa sangay taw Israel at talun, at lagan fagmadulumun way ay fagidapun, aroro sik linyabu daul gfarum at mayamag.


Ay siginans wabilug menit, andulum way lang sanya fag talun. Ay nu madulum, sitsigon sfatulu sas fafun baliwa.


Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.


Dungugani! Sik ngay taw ngayu garingang kata sik lugwak nu gfawas.


Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”


Ay ngay taw ban at mata umdulum at kaksvnan nu kalimu aroro sa tagakadasugun sas fagdaul daga, ay fagayu ke fagmabalyananun sis banwa muigan.


Swiv nou:

Piblisite


Piblisite