Lukas 21:19 - Fanawbuid tagsibaliwas Fakayabian

¹⁹ Ay nu nagwantan tua ban am, e leleg tua ban am at yud e fakatabuan.

Lukas 21:19 Referans Kwoze

Ebreu 10:36

Agwantani tua, laman mafafaning tuam Dius at fakaylatun, ay laman ban magbilug tuam at fatuyanan.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Santiagu 1:3

Aroro nasaful am te, ay fagafanudun nu nfaskud wan, kanya wan tagfaksvn ayu laman magwanta am.

At Nafasure 3:10

Nafaning tuam ku suguan ayu te, agwantani. Nu katanya, gdiri ktua ban ayu, dewa ban andasug faurianan sa sangay taw sas fagdaul daga.

Ruma 5:3

Ay bundi lang katanya, nu bunway guseganan yangay tam dewa tam gidapan, aroro saful tam te, kaduge tam gidapan, kananad tam gagwanta,

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

At Nafasure 13:10

Nusnga sinu at kinfalganan gatabanan, kanya ban gatabanan wa fia, ay nusnga sinu at kinfalganan nangabul sas fiso tagsumbalian at uyup, kanya ban kabul fia. Nu katanya, Dius at ngay taw, masine nu gagwantan tua gugat ay nu e fagafanudun tua gugat.

Alubad. 37:7

Manabayani tua sis Yawi at daga salubangan, ay agwantai tua fanyai at fagnamakamulunun. Lag o galabian at mauri fag ngay taw dewa manabayan nu gbanwan, siginan at mauri fag balyawvtan.

At Nafasure 14:12

Nu katanya, am fag ngay taw Dius at nafili ay tagfaning at suguan ay tagafanud sas Isus, agwantani tua.

Ebreu 6:11

Ay em fakaylatun galay am at sadi nu gfataglayun tuam ay fakamulun nu gugatan am gfalag ay fagmatuyanun sa ay ngay faduksay sitsigon bans fakatabuan laman ban mul tuam ay fagsegun.

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

Mateu 24:13

Ay dewa katanya at namabakvd sat fagafanudun sitsigons fakatabuan, umlangfe tua ban.

At Nafasure 1:9

Au, Uan, ay faduksay ay faudgufudan sa sangay fagidapun ay sas Dius at Fagfagtainanan, ay sas fagagwantanun aroro masadi tam sas Isus. E nagamat angku ay nataban sas furu Patmus fag talun aroro gfoyung au Dius at longan ay at matuyan, Isus at nafasure sa angku.

Ebreu 6:15

Ay Abrayam nagwantan fia nafanya, nu katanya kanya nabul tua Dius at fatuyanan.

2 Tesalunika 3:5

Tam Fun tagfamatangan ayu laman ay ugali kata tua Dius nu kesug, ay kata tam Fun Isus nu mabakvd.

Ruma 8:25

Ay nu gfanya tua tam tam nayud yay nalag, gugatan tua tam gfanya.

Lukas 8:15

Ay at bvtang at kintong sit masine fag daga at masuad, sik taw at nadungug ay takesug tua Dius at Longan, ay tagfabanwan tua sat masine ay sat matuyan fag amatanganan. Ay kanya mafanyan tua anggan narawvg.

Alubad. 40:1

Nagwantan au nafanya Yawi, ay kanya nasalubang angku ay nabalus tua ku fagetun.

Ruma 15:4

Aroro fagayu at kinriruk sis Dius at Longan ebi taguna, anriruk laman gfoyung antam, laman maksvn tua tam ay gfon antam fagsegun.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Ruma 5:4

ay nu gagwanta tua tam, kaksvn tam, ay nu nkaksvn tua tam, e fagsegun tam.

Santiagu 1:4

Agwantai fagayu ay fagagwantanun, laman diam e malong, ay di e kurang ay ugali.

2 Pedru 1:6

Ay sas fagsafulun famuti fagfaragangun ay sadili, ay sas fagfaragangun ay sadili, famuti fagagwantanun, ay sas fagagwantanun, famuti fagfaningun sas Dius,