Lukas 21:1 - Fanawbuid tagsibaliwas Fakayabian

¹ Isus gulit at maramraman fag ngay taw nu gsuad at fanggalangun fag salapi sas fagsuadan.

Lukas 21:1 Referans Kwoze

Uan 8:20

Isus nafoyung takatanya gina sis Dius at bale, munakbang sis fagsuadan fanggalangun. Dewa katanya, we mananggamat anya aroro ya ndasug at kasakan fag buknga.

Mateu 27:6

Ay ngay fun tagfon fanggalangun nafuyut kafag ngay salapi ay gkamatoan te, “Gsalan way ro tam tam faugali nu gfoli tuy fag salapi sas Dius at fagsuadan salapi, aroro tuy sik famayad sik taw at taguk.”

2 Krunika 36:18

Ay Nabukudunusur nabuba wan sas talun Babilunya, fagayu fagagbilugun ay fagayu ramraman sis Dius at bale, ay nabuba yangay fun ay at ngay tagfakamulun at ngay ramraman.

Nemyas 13:13

Nafatigwanan au sas Selemya fag tagfon fanggalangun, ay Saduk fag tagfoyung faugali, ay Pedaya fag taw Lebi tagulit ngay bale fagfungsuan. Nafagubuk kyangay sanya Kanan, Sakur at baguama, Matanya at fufu. Kanya fagayu ku nafili aroro kanya fagayu at mafatigwananan. Nafatigwanan kyangay sanya fagayu tagfainkafudan at ngay kaiban at fagayudanun.

2 Fun 24:13

Kata Yawi at longan, fun Nabukudunusur nabul fagayu ramraman sis Yawi at bale ay sis fun at bale. Kanya nabul yangay nusnge wain at mawatan siginans gintu, Sulumun, Israel at fun, at nafawat laman sas Yawi at bale.

Uswe 6:19

Ay fasamani laman sas Yawi ngay salapi, ay gintu, tansu, ay sanbung, ay suadi sas fagfungsuan ramraman laman sas Yawi.”

1 Fun 14:26

Ay kanya nabul tagsis Yawi at bale fag ngay ramraman ay anggan tagsis fun at bale. Ay kanya nabuba yangay Sulumun at nafawat fag ngay famalabag fagayu, at masifigan gintu.

Uswe 6:24

Ay ngay taw Israel nairug wan furuan ay fagayu nusnge wain sas day fagagbilugun at mawatan siginans salapi, gintu, tansu, ay sanbung. Kanya fagayu nabul takatanya fagayu ay nasuad sas fagfungsuan ramraman laman sas Yawi at bale.

2 Fun 12:9

Euyada nabul sik fagsuadan ay nasulbung at suklub, ay nafoli sis day fagirugan sis siun baliwa fag day sakbawan Yawi at bale. Ay tagulit sakbawan fag ngay tagfon fanggalangun at nansuad sanya fag fagsuadan ngay salapi ngay taw at buba.

Lukas 20:47

ay gfamin ngay fagbubayun at ramraman, ay dewa ngaduge nu gdarangin, gfalagan way lang. Kanya ban fagayu mul at maksvn fag faurianan.”