Lukas 20:46 - Fanawbuid tagsibaliwas Fakayabian

⁴⁶ “Mataganani tua ngay tagfoyung Muisis at Faugali. Kanya fagayu e lanbung at mafilian nusnga nday nu glao, ay gina sis wabilug furuan, kaylat ngay taw nu gseg anya. Ay galay nasas bale fakafulan ay e ngay fagmafulun, kanya fagayu at fakaylatun sa tua at masine fag ngay faglunggungan,

Lukas 20:46 Referans Kwoze

Lukas 11:43

“Ida, am fag ngay taw Fariseu, aroro ay fakaylatun at masine fag ngay faglunggungan sa sangay bale fakafulan, ay gina am sis wabilug furuan, kaylat am ngay taw nu gseg ayu.

Lukas 14:7

Isus nalag ngay betaw nu ggudgunan nanmalunggung sat masine fag faglunggungan. Ay Isus nafoyung sa kafag ngay taw sik faydayuanan te,

Lukas 12:1

Kadugenya ngayuk libuk taw andasug sas Isus, ay kanya fagayu gsidsikfitan. Ay Isus nalong taguna sat ngay tagadal te, “Lag gfaning taw Fariseu at fakamaninganun, aroro at fakamaninganun kata way sik famabia tinapay.

Mateu 16:6

Ay Isus nalong anya te, “Dirii ay mataganani taw Fariseu ay Saduseu at famabia tinapay.”

3 Uan 1:9

Ebi nariruk au sa sangay tagafanud sanya, ay Diutrefes wa kaylat gdungugan emi. At fakaylatun kaylat gfagtainan ayu.

2 Timuteu 4:15

Madiriani tua aroro kanya maksvn nu kauri tam ngay foyungan.

Ruma 12:10

Edkesugani kata nu sik duksayan am. Ay masuyui tua sas galay am at sadi.

Fangatulun 29:23

Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.

Markus 8:15

Ay Isus nalong sat ngay tagadal te, “Dirii ay mataganani taw Fariseu ay Erudes at famabia tinapay.”

Mateu 23:1

Ay Isus nafoyung sa sangay taw anggan sat ngay tagadal te,

Lukas 20:47

ay gfamin ngay fagbubayun at ramraman, ay dewa ngaduge nu gdarangin, gfalagan way lang. Kanya ban fagayu mul at maksvn fag faurianan.”