Lukas 20:37 - Fanawbuid tagsibaliwas Fakayabian

³⁷ Anggan Muisis nafatuyan te, at ngay kinbul gdog yay ban gleleg gina kanya nalag sik fun kayu tagigang ay nafangayan tam Fun te, ‘Abrayam, Isak ay Akub at Dius.’

Lukas 20:37 Referans Kwoze

Deuterunumyu 33:16

Kanya ban nangus fagayu ggutlu at masine fag ngay famaloun siginan at daga, aroro siginan Dius at fagmasineun at nafoyung sa anya fagayu siginan tagigang fag fun kayu ngababa. Ay kanya ban nangus fag ngay famonun si tua gugat Use at kasugfunanan, aroro kanya gtungud tua at ngay faduksay.

Nu Galin 3:15

Ay Dius gdog yay nalong sas Muisis te, “Longi sa sangay taw Israel te, ‘Yawi, ay mangaguyang Abrayam, Isak, ay Akub at Dius, nasugu angku sa ayu.’ Ay kabavn ay ngay kasugfunanan gtoglag tua angku te, Yawi.”

Fakasigadan 32:9

Akub gdarangin te, “Yawi, ku fufuama Abrayam at Dius ay ku mama Isak at Dius, o wan at nalong sa angku te, ‘Afolii wan sa am ngay kalongan, sa am fakasalugan fag talun, ay gfae ramraman kban emu.’

Fakasigadan 28:21

ay nu nfoli ktua ban sa ku mama at bale ay nu ddi ban e ndasug sa angku at mauri, o waban ku Dius.

Fakasigadan 28:13

Ay kanya nalag yangay Yawi nu malindug sis tungud agdan, ay nalong sa anya te, “Au Yawi, am fufuama Abrayam at Dius ay am mama Isak at Dius. Gfon kban sa emu ay sa am ngay kasugfunanan ste am fagtaygilidanan fag talun.

Fakasigadan 17:7

Ay gfafasludan kban ku nasadian sa emu ay sa am ngay kasugfunanan te, au tua ban gugat at Dius. Ay gfataglayun kban ku nasadian kabavn.