Lukas 2:9 - Fanawbuid tagsibaliwas Fakayabian

⁹ Ay tam Fun at tagbarita at sadi ansure sa kafag ngay tagalaga, ay tam Fun at fagmasineun nadamlag sat ligung, ay kafag ngay tagalaga maksvn nu kalimu.

Lukas 2:9 Referans Kwoze

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

2 Kurintu. 3:18

Ay tam Fun, kanya wan at Masine fag Falad, kanya gfasine antam laman kaksvn tua nu gfaning tam anya.

At Nafasure 18:1

Sanya ginan, nalag au sik tagbarita gduksun siginans banwa, kanya e maksvn fag fagmabalyananun, ay at aninag nadamlag sas fagdaul daga.

Fakamulun 27:23

Aroro aro sad yabi Dius at tagbarita at sadi malindug si ku day tigyangan. Dius, ku fagsegan ay ku fagfaningan at nafadasug ste,

1 Fun 8:11

Nu katanya, ngay tagfon fanggalangun wa mafataglayun ya at fakamulun aroro maksvn nu glinyabu, ay Yawi at kamasuloan ankapnu sat bale.

Fakamulun 5:19

Ay ginanya fag yabi tam Fun at tagbarita andasug ay naluang ubung dingding sakbawan ay nafaduksun ngay nasugu, ay glong te,

Uan 12:41

Isayas at fagnalongun katanya aroro nalag Isus at fagmasineun ay nafoyung sabaliwa anya.

Lukas 24:4

Ay gina gamatangan, duak mangama at ke lanbung masulo nsure wa vtv, malindug sit akbang.

Nu Galin 16:7

ay balabag ban sbalabag, lumag am Yawi at fagmabalyananun aroro nadungug nu kamayud am. Wain ay fagfayudun emi, ay wami e nafakamulun?”

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

Ebreu 12:21

Ay maksvn nu malimu takalag sis buksul, ay anggan Muisis nalong te, “Maksvn nu gtadtaruyan au kalimu.”

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Fakamulun 12:7

Ay arodi vtv, sik yamag andasug masakit sasad ubung ay tam Fun at tagbarita andasug ay ankakbang sas Pedru ay natigtig sit tigyangan laman gfulo. Ay kafag tagbarita glong te, “Afuloi ay alindugi!” Ay at siuk fag salambitan anluas wan.

Lukas 1:28

Ay kafag tagbarita nu ndasug, nalong sas Maria te, “Useganani, aroro tam Fun ggubuk tua emu ay si yangay emu.”

Mateu 1:20

Ay gina Use namatangan katanya, tam Fun at tagbarita at sadi ansure sa anya sit taginfan ay glong te, “Use, fun Dabid at kasugfunanan, lag kalimu nangadadwa sas Maria, am bubay ban, aroro at fagfafionun siginan at Masine fag Falad.

Esekyel 3:23

Nu katanya, nalao kwa vtv sas datag ay nalag au Dius at kamasuloan nu mabalyanan, kata ku nalag gina au sis tigyangan Liskung Kebar ay namalub au.

Isayas 40:5

Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Nu Galin 16:10

Kaduge Arun garingang sa sangay taw Israel, kanya fagayu nabanawan sat yud e taw fag talun ay nalag Yawi at fagmabalyananun sis linyabu.

Lukas 2:8

Sanya fag talun e ngay tagalaga tupa sis fagfafangonan, ay kanya fagayu gintiugunan gulit at ngay tupa sad yabi.