Lukas 2:51 - Fanawbuid tagsibaliwas Fakayabian

⁵¹ Ay Isus noli wan sas Nasaret gfadgaloan at fagtainan. Ay Isus gfaning at fagtainan at longan. Ay at mina gamatangan gugat takatanya fagayu.

Lukas 2:51 Referans Kwoze

Lukas 2:19

Ay Maria namatang at ngay nadungug ay gamatangan gugat te, nataw at masuad.

Daniel 7:28

“Katanya ku taginfan. Nafanawa au ay anlimu. Dewa katanya, kwa nalong ku taginfan sas nusnga sinu.”

Fakasigadan 37:11

Ay Use at ngay faduksay maksvn nu kauri anya. Ay Akub gamatangan gugat Use at ngay nalong.

Markus 6:3

O nunda bunwa kanya takawat bale fag taw ay Maria at baguama? Ay o nunda at ngay faduksay bunwa Santiagu, Use, Udas ay Simun? Ay o nunda at faduksay fag ngay mangena wa ste si tam furuan nu gbanwan?” Ay kanya fag ngay taw kauri Isus.

1 Pedru 2:21

Matuyan, Dius nafili ayu laman gagwantan am, aroro tam Fun Isus naidapan laman sa ayu. At nafakamulun sik fagulitan, laman gfaning tuam anya.

Mateu 3:15

Ay Isus nabalus te, “Dewa, fasurungi wa angku. Aroro nu katanya tua, gfaning wata Dius at fakaylatun fagayu.” Ay Uan nafaning fia at longan.

Efesu 5:21

Am fadfaningani tua sik fakatoglagan te, gfaning am tam Fun Isus.

Lukas 2:39

Use ay Maria nu nafakamulun wan fagayu kata tam Fun at Faugali, kafag talanan noli wan sas furuan Nasaret sas talun Galilea.

Alubad. 119:11

Gfasi ktua ban gugat ku amatanganan am ngay longan, laman ban kdi gasalanan sa emu,

Mateu 12:46

Ay kaduge Isus gfoyung sanya fag ngay taw, Isus at mina ay at ngay faduksay andasug, ay gfanya anya sis lod bale, ay gyafakamatoanun anya.

Markus 1:9

Ginanya, Isus andasug sas Liskung Urdan siginans furuan Nasaret sis talun Galilea. Ay Uan nafasurung anya sanya fag liskung.

Lukas 4:16

Sanya ginan, Isus noli wan sas furuan Nasaret sat talun ebi gina munama yay, ay nasakbo sas bale fakafulan sis Famiangalay fag Menit, kata at ugali. Ay Isus namalindug, laman gtap Dius at Rirukan.

Lukas 4:23

Ay Isus nalong te, “Matuyan, lumong am sa angku te, ‘Tagfafia, fafiai am sadili,’ at masuad te, ‘Fakamuluni yangay ste sim furuan, kata em nadungug am nafakamulun sis furuan Kapernaum.’ ”

Lukas 18:37

Ay tiba nafoyung anya te, “Isus fag taw Nasaret gdalan.”