Lukas 2:34 - Fanawbuid tagsibaliwas Fakayabian

³⁴ Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Lukas 2:34 Referans Kwoze

1 Kurintu 1:23

Ay dewa katanya, em foyungan sabaliwa tam Fun Isus at natuktukan sas fasulungan kayu, kata way sik fakataidan sa sangay taw Udyu, ay we tungkul sas yud Udyu fag ngay taw.

Mateu 21:44

Ay nusnga sinu at kumtong sanya fag gang, umrufa, ay nusnga sinu at nafakwanan kafag gang umdudug.”

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

1 Pedru 4:14

Ay nu e gfalingun ayu aroro sa tam Fun Isus, mauseganan am, aroro si tua ayu at Masine fag Falad tagsiginans Dius.

Ebreu 7:7

Nasaful watam te, tagfadante gtungud tua at fagfadantean fag taw.

Ruma 9:32

Ay wain at fagyudun antap kata nu yud e asalanan? Aroro kanya fagayu nu gugatan nangatap kata nu yud e asalanan bunwa siginans fagafanudun nu bunway siginan way at sadili fakamulun. Ay siginan takatanya, kanya fagayu antaid way sat mataid fag gang.

Fakamulun 6:7

Nu katanya, Dius at longan gtaglayun nu kafagdaul. Ay sis Erusalem ngayu yay at kinfamut tagafanud sas Isus, ay ngayu yangay tagfon fanggalangun at nafanud.

Fakamulun 24:5

“Tuy fag mangama kamauri sa sangay taw Udyu sas fagdaul daga, ay kanya sik tagfangguna sik gaban at ngayan Nasarenu.

Fakamulun 17:6

Ay kanya fagayu wa nalag duama, nu katanya, at nagamat Asun way ay tiba yak tagafanud. Ay kanya fagayu naguyudan kafag ngay tagafanud sa sangay tagfangguna at daga salubangan, ay guro te, “Kafag duama gfae fagawayanun nusnga nday siginan at ngay foyungan, ay katsi, andasug stie sa tam furuan.

Fakamulun 13:45

Ay ngay taw Udyu nu nalag te, ngayuk taw at kinful, kanya fagayu galabian. Ay kanya wa gfadiuganan Pablu, ay sarokta nalong ya sik ngay mauri.

Fakamulun 4:26

Ngay fun sas fagdaul daga ay anggan ngay tagfangguna maful laman gfalganan namawayan em Fun, am nafili.’

Uan 5:18

Nu katanya, kanya fagayu nkugat nu gyafabulun Isus, aroro wa nafaning faugali sabaliwas Famiangalay fag Menit, ay at nalongan ya te, Dius ku Mama, nu katanya nafasudan at sadili sas Dius.

Uan 3:20

Ay nusnga sinu fag taw tagfakamulun at mauri, kanya kauri fagmayamagun ay wa kaylat nangakbang sas fagmayamagun laman at fakamulun masuksukan.

Mateu 27:63

ay nalong te, “Namatang ami kafag tagfandaya at longan gina gleleg te, ‘Nu nlangfe tuluk menit, gdog kyay gleleg.’

Mateu 12:46

Ay kaduge Isus gfoyung sanya fag ngay taw, Isus at mina ay at ngay faduksay andasug, ay gfanya anya sis lod bale, ay gyafakamatoanun anya.

Mateu 11:19

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’ Dewa katanya, gtuyan tam te, Dius at fagmamatanganun matuyan siginan at ngay fakamulun.”

Isayas 8:18

Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Nu Galin 39:43

Muisis nananlag ngay taw at nafakamulun ay nalag te, at nafakamulun kata tua Yawi at ngay suguan. Ay Muisis nafadante anya fagayu.

Fakasigadan 47:7

Ay Use nataban at mama sas Igiptu at fun laman namatoglag. Ay Akub nafadante Igiptu at fun.

Fakasigadan 14:19

Ay Melkisedek nafadante Abram ay nalong te, “Tiba Tungud fag Dius at nawat banwa ay daga gfadante nangus emu.

Ebreu 7:1

Melkisedek furuan Salem at fun, ay sik tagfon fanggalangun sa Tiba Tungud fag Dius. Abrayam nu kafoli wan siginan at fagawayanan, nafablang Melkisedek, ay Melkisedek nafadante sik masine fag longan sas Abrayam.

Fakamulun 28:22

Ay dewa katanya, kaylat ami gdungugan nusnga setaw am fagyalongun, aroro saful wami te, nusnga ndaginan ngayuk taw takauri sam naylatan fag fagafanudun.”

1 Samwel 2:20

Ay Eli nafadante Elkana dadwa. Kanya nalong sas Elkana te, “Yawi ban nangus gfae ngay sisian emu siginan am mangena Ana, fantubus at naet fag sisian ay at nafon sas Yawi.” Sanya ginan, dadwa guli wan sat bale.

Lukas 2:35

Aroro siginan ban at fakamulun, ngay taw ban at amatanganan at mauri, umsure. Ay gidapan yangay ban o gamatangan, kata nu e naurus am baga.”