Lukas 2:14 - Fanawbuid tagsibaliwas Fakayabian

¹⁴ “Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Lukas 2:14 Referans Kwoze

Ruma 5:1

Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Lukas 19:38

Ay nalong te, “Mauseganan takadasug fag Fun sas Dius at ngayan! E fagmanabayanun sis banwa. Segi Dius sis banwa!”

Kulusas 1:20

ay Dius at fakaylatun fagayu at awatan umsadi sa anya siginan at Baguama. Ay siginan at Baguama at taguk at kinbusbus sis fasulungan kayu anke fagmanabayanun, laman fagayu at awatan tagsis banwa ay tagsis daga umsadi sas Dius.

Lukas 1:79

laman nandamlag ngay taw tagsi yay sad dulum, ay takalimu sas fakabulun, ay laman namoyung ban antam, laman tam darafa lumao sat manabayan fag dalan.”

At Nafasure 5:13

Ay nadungug au Dius at ngay awatan tagsis banwa, ay tagsis daga, ay tagsis daga daga, ay tagsis dagat, ay fagayu awatan sas fagdaul daga nu galubad te, “Sat malunggung sis faglunggungan ay sas Tupa Riangan, siwa anya fagsegun ay famauseganan ay fagmasineun, ay fagmabalyananun kabavn ban.”

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Uan 17:4

Fagdaul daga gfauseganan emu aroro nafatabu kwan am nafafakamulun sa angku fag fakamulun.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

Filipus 2:11

ay kanya fagayu gfoyung te, Isus tam Fun, laman gfauseganan Dius tam Mama.

Lukas 3:22

ay at Masine fag Falad kadaga kata sik labikung ay naafun sa anya. Ay e naringang siginans banwa te, “O wan ku fakesugun ku Baguama; maksvn nu guseganan au emu.”

Mateu 21:9

Ay ngay taw tagsit fagunan ay tagsit faguyanan guro te, “Fadi fadi, O fun Dabid at kasugfunanan! Segi takadasug sas Dius at fagmabalyananun! Fadi fadi, segi Tiba Tungud fag Dius!”

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Efesu 1:9

laman tumogdungug tam fia Dius at algan at masuksukan, gfaning at fakaylatun, at fagnamafasludanun siginan tam Fun Isus,

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

Isayas 44:23

Banwa, alubadi useganani! Fagdaul daga, uroi! Am fag ngay buksul ay fag ngay araw, alubadi! Aroro Yawi ban namalangfe Akub at ngay kasugfunanan, ay namasure at fagmabalyananun sa sangay taw Israel.

Filipus 2:13

aroro Dius tua tagfakamulun gugat sa ayu laman makatu am gfaning at fakaylatun.

Efesu 2:7

Kanya nafakamulun takatanya laman ban sa takadasug fag buknga, namalag yangay sa antam at fagmagalangun at yud e gfasud, siginan tam Fun Isus.

Efesu 2:4

Dewa katanya, Dius mafangafanyu tua, ay maksvn nu kesug antam.

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Uan 3:16

Maksvn tua Dius nu kesug fagayu taw ste swa daga, at fagnafonun at mafilian fag Baguama, laman nusnga sinu tagafanud sa anya di gafaurianan nu bunway mul tua ban leleg at yud e fakatabuan kabavn.

Mikas 5:5

Ay kanya ban namae fagmanabayanun at fagfanggunaun fag ngay taw. Ngay taw ban Asirya nu namawayan way antam, am ngay tagfangguna ban at maseganama namangguna antam laman namabo anya fagayu.

Lukas 2:13

Arodi vtv, ngayuk tagbarita ansure gfasfuan anya, ay gseg Dius ay glong te,

Lukas 2:15

Kafag ngay tagbarita nu nfoli wan sas banwa, kafag ngay tagalaga glodlongan te, “Bastam, glo watam sas furuan Betleem, laman nanlag at kinfasludan, tam Fun at nafoyung antam.”