Lukas 19:15 - Fanawbuid tagsibaliwas Fakayabian

¹⁵ “Dewa katanya, kanya nabul at fagmafunanun ay noli wan. Kanya nasugu laman nantaban at fagsuguan, ebi at fagfatigwanan salapi, laman at fagsuguan namasaful sa anya nu seyu galay sadi at nafamut.

Lukas 19:15 Referans Kwoze

Lukas 12:48

Ay sik fagsuguan nu dway nasaful at tagfayafun at fakaylatun, at fakamulun dewa sak gafaurianan, di maksvn nu gafaurianan. Nu ngayu way at nafon sa sik taw, ngayu yangay ban at fagnamulun siginan anya. Ay nu ngayuk fanambagun at nafatigwanan sa sik taw, ngayu tua ban nangus at nafakamulun.”

Mateu 25:19

“Ay nu glugo wan, kafag ngay fagsuguan at tagfayafun noli wan. Ay kanya fag fun nainto sat ngay fagsuguan sabaliwa at salapi at nafatigwanan sa anya fagayu.

Lukas 19:14

“Ay tibak taw sanya fag talun kauri kafag fun, nu katanya, kanya fagayu nasugu sik ngay tagfosuk longan sa kafag fun at talun laman nanlong sanya fag ngay taw te, ‘Wami kaylat tuy fag taw nu gfunan emi.’

Lukas 19:16

“At taguna fag fagsuguan at kindasug nalong te, ‘Ku fun, am nafon sa angku fag sadik salapi, anfamut safuluk salapi.’