Lukas 18:14 - Fanawbuid tagsibaliwas Fakayabian

¹⁴ Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”

Lukas 18:14 Referans Kwoze

Lukas 14:11

Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Santiagu 4:10

Famababauni sa tam Fun at daga salubangan ay kanya namabat ban ayu ke fagusegananun.

Mateu 23:12

Ay nusnga sinu takamatungudun, abandi ban Dius gfababa anya, ay takamababaun, Dius ban gfabat tua anya.

Fangatulun 29:23

Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”

Lukas 1:52

Dius nafababa ngay funan siginan at fagmafunanun, ay nafabat ngay taw tagafalingunan.

Alubad. 138:6

Yawi, o wan tiba tungud, ay galaga tuo ngay taw at yud e kwa. Dewa katanya, kayayu way o siginan sangay taw takamatungudun.

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Fangatulun 3:34

Ay kanya gfauri ngay taw tagfalingun at iba, dewa katanya, kanya gfon tua nusnge wain sas fagayu takamababaun.

Ub 25:4

Setain ro sik taw nu manangalindug sis Dius at daga salubangan ay glong te, ‘Matuyan au’? O e taw at kinsalug yud e malong?

Galasya 2:16

Dewa katanya, nasaful ami te, Dius gtap sik taw kata nu yud e asalanan siginan nu gafanud sas Isus tam Fun, ay bundi siginan at nafaningan Muisis at Faugali. Ay gafanud yangay ami sa tam Fun Isus laman Dius gtap emi kata nu yud ami e asalanan siginan nu gafanud ami sa tam Fun Isus, ay bundi siginan nu gfaning Muisis at Faugali. Aroro Dius wa gtap nusnga sinu fag taw kata nu yud e asalanan nu siginan way nu gfaning kafag Faugali.

Ruma 4:5

Dius wa gtap nusnga sinu fag taw kata nu yud e asalanan siginan at nafakamulun. Nu bunway Dius gtap tua sik tagasalanan kata nu yud e asalanan siginan at fagafanudun.

Ruma 3:20

Aroro Dius wa gtap nusnga sinu fag taw kata nu yud e asalanan, siginan nu gfaning Muisis at Faugali, aroro kafag Faugali gfasaful te, fagayu taw e asalanan.

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Fangatulun 18:12

Takamatungudun fag taw gfauri way at sadili, dewa katanya, takamababaun gfae fagusegananun at sadili.

Fangatulun 15:33

Sik taw nu gsuyu tua Yawi, kae fagsafulun, ay takamababaun, e gfauseganan anya.

Ub 22:29

Ay sik taw nu kamomuy, darangini sas Dius te, fabitsugi anya, ay Dius ro ggubuk kafag taw.

1 Samwel 1:18

Ana gbalus te, “Fadi fadi ngaro am fagmasineun sa angku.” Sanya ginan, Ana nfoli wan ay nafangon tua, ay di e fakabaluun ya.

Nu Galin 18:11

Ay katsi, nasaful kwa te, Yawi amabalyanan yap tibak dius aroro kanya nafalangfe ngay taw Israel siginan sangay taw Igiptu at nafaidapan anya fagayu.”

Ruma 8:33

Sinu at malong te, Dius at ngay nafili e asalanan? Dius wan at nafangayan kafag ngay taw te, kata nu yud e asalanan.

Ruma 5:1

Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Ub 9:20

Kdoma e asalanan, dewa katanya, kafaurianan kway siginan ku ngay nalong.

Abakuk 2:4

“Katatuy am fagnanrirukun: Damai. Takamatungudun fag ngay taw wa matuyan at ngay fakamulun. Dewa katanya, matuyan fag taw gleleg tua, aroro sat fagafanudun.

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

Alubad. 143:2

Lag yap ginsaful angku am fagsuguan, aroro we taw matuyan sam daga salubangan.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Fangatulun 25:7

Amasine yap fun nu glong sa emu te, “Gewan,” nu gamut ro gfapla way emu sit ke fanambagun fag ngay taw at daga salubangan.