Lukas 18:13 - Fanawbuid tagsibaliwas Fakayabian

¹³ “Ay kafag tagbul famayad laman sas fun namalindug ngayayu siginan tibak taw ay wa gtangda, aroro kapla. Kanya grungan ay glong te, ‘Ku Dius, afanyui angku, aroro sik tagasalanan au.’ ”

Lukas 18:13 Referans Kwoze

Esra 9:6

Nalong au te, “Ku Dius, maksvn nu kapla au. Kwa matangda ya emu at kaksvnan nu kapla au, aroro maksvn wan em ngay asalanan; kata wa nu nasawe sa em ngay alfuyu ay gakadasugun banwa.

1 Timuteu 1:15

Tuy at matuyan fag longan tam fagfaningun fia ay tam fagafanudun: tam Fun Isus andasug ste swa daga laman namalangfe ngay tagasalanan. Ay au wan at maksvn nu mauri sas fagayu.

Alubad. 41:4

Nalong au sas Yawi te, “Afanyui ay fafiai angku, aroro anke asalanan au sa emu.”

Lukas 23:48

Ay ngay taw at maful sanya at nalag at kinfasludan, gina kanya fagayu guli grungan way lang aroro kabalu.

Ebreu 8:12

Aroro ginanya ban gfalyam kwan kafag ngay taw at fagmauriun, ay kwa ban gamatangan ya at ngay asalanan.”

Fakamulun 2:37

Kafag ngay taw nu nadungug, gafanawa ay ginto sas Pedru ay sa tibak nasugu te, “Em ngay faduksay, setain ban manga em fakamulun?”

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.

Ruma 5:8

Ay dewa katanya, tam Fun Isus anbul aroro sa antam gina tam sik ngay tagasalanan yay. Katanya Dius nu gfalag sa antam te, kesug antam.

Lukas 5:8

Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.”

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Alubad. 25:11

Yawi, aroro matuyan tuo, falyami ku ngay asalanan.

Ub 42:6

Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

2 Kurintu. 7:11

Amatangani Dius at fakamulun siginan nu nafabaluanan ayu. Aroro katanya gugatan tuam ay maksvn tua nu grvbvy am at masine laman gsaful am te, diam e asalanan. Kauri tuam asalanan ay kalimu tuam asalanan at fungfung ban, ay maksvn tua nu gfanya am nu kadasug au, ay e fakafanyun tuam, ay kaylat am gfaurianan at ke asalanan. Ay balyawvtan gfalag tuam te, diam kataip ya sabaliwa kafag ngay asalanan.

Alubad. 25:7

Aroro mafangesug o ay masine, falyami ku ngay asalanan gina au mabaguama.

Mateu 9:13

Amatangani ay asafuli at masuad Dius at Longan te, ‘Ku fakaylatun bunwa ay fanggalangun, nu bunway kaylat au nu kafanyu am ay iba.’ Aroro ku fagnastaeun kwa namaful at matuyan fag ngay taw sa angku, kayu way at ke asalanan.”

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Lukas 17:12

Ay gina kadasug sa sik furuan sirut, safuluk taw tagabangbang nafablang anya. Kafag ngay taw malindug ngayayu sirut,

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Alubad. 130:7

Ngay taw Israel, afanudi sas Yawi, aroro kanya tua at mafangesug ay at mafalganan gfalangfe.

Alubad. 119:41

Yawi, esugi ay falangfei angku kata am fatuyanan,

Alubad. 106:6

Nafakamulun ami at mauri, ay anke asalanan ami sas Dius, kata em ngay mangaguyang.

Alubad. 40:12

Kwa mafatap ku ngay fagidapun; Ku ngay fagidapun maligung angku kata ku ngay asalanan gsuklub angku. Nu katanya, kwa glag ya. Ay ku ngay asalanan ayu yap tua ku buk. Nu katanya, arvs kwe fagsegun ya.

2 Krunika 33:23

Ay kanya wa nafaning at mama at nafamababaun sas Yawi. Sarokta kanya nafamut yay at asalanan.

2 Krunika 33:19

Ay marirukan si sangay taglong at fagrirukan, Manase at darangin, ay Yawi at famalus anya, ay fagayu at asalanan ay nu kamabo Yawi. Ay marirukan yangay sanya nu inda nu kawat ngay fagnansegan, ngay turuk fagtoglagan Asera fag fagsegan, ay tiba yak fagsegan, gina kanya yud nafamababaun sas Dius.

2 Samwel 12:13

Nu katanya, Dabid nalong sas Natan te, “Anke asalanan au sas Yawi.” Ay Natan nabalus anya te, “Yawi nafalyam wan am ngay asalanan ay di ban o kabul.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Mateu 6:5

“Ay nu gdarangin o, lag gfaning takamaningan nu gdarangin. Aroro kanya at fakaylatun nu gdarangin namalindug dewa sis bale fakafulan ay dewa sasad sagbatan dalan, laman fagayu taw glag anya. Matuyan nu glong au ayu te, kanya fag ngay taw nabul wan at fagnamulun ma ban.

Mateu 10:3

ay Felipe ay Bartulume, ay Tumas, ay Mateu, sik tagbul at famayad laman sas fun, ay Santiagu, Alfeu at baguama, ay Tadeu,

Markus 11:25

Ay gina am malindug gdarangin, falyami ay iba nusnge wain at mauri at fakamulun sa ayu, laman ay Mama sas banwa gfalyam yangay ay ngay asalanan.”

Lukas 22:41

Ay Isus nalo kayayu nu e naukas sik gang, ay natudan ay gdarangin te,

Nu Galin 33:10

Ay nu katanya, ngay taw nu nalag turuk linyabu sit sakbawan, kanya fagayu anlindug ay naseg Yawi sit mesa sakbawan.