Lukas 18:1 - Fanawbuid tagsibaliwas Fakayabian

¹ Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Lukas 18:1 Referans Kwoze

Kulusas 4:2

Fataglayuni nu mafandarangin am, ay fasfuani mafalganani ay useganani.

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

1 Tesalunika 5:17

kabavn darangini,

Filipus 4:6

Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

Efesu 6:18

Ay kaduge am gfakamulun katanya, kabavn darangini siginan at Masine fag Falad at gubuk. Darangini fagayu ay fagdaranginun. Ay darangini tua gugat Dius at nafili fag ngay taw.

Eremyas 29:12

Nu katanya, guro tua ban am ay gdarangin sa angku, ay gdungugan ktua ban ayu.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Alubad. 86:3

Fun Dius, afanyui angku, aroro nu gdarangin au sa emu fagngaba wak menit.

Alubad. 102:17

Ay ginanya ban, kanya gbalus tagidapan fag ngay taw at darangin, ay di ban gaiyan.

2 Kurintu. 4:1

Dius mafangafanyu tua, nu katanya kanya nafili emi laman gfakamulun ami sa baliwa at bagu fag nasadian, ay di kamomuy em amatanganan.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

Unas 2:7

Yawi, gina au gakabulun, nauro au emu, ay nadungug tuo ku darangin sim bale at yud e malong.

Alubad. 65:2

Fagayu taw nangakbang sa emu aroro nabalus tuo at ngay darangin.

Alubad. 27:13

Yawi, gafanud ktua te, kaduge kban gleleg stes fagdaul daga, lumag au am fagmatuyanun.

Isayas 40:31

ay dewa katanya, fagayu tagafanud sas Yawi gdog yay fia umke fagmabitsugun. Kanya fagayu glayug tua kata sik bio. Dewa gtarung, wa kalufuy, ay dewa glao, wa kamomuy.

Isayas 62:7

Lag gfaragang nu kakbang am sas Yawi, yakmay kanya nafadog nafawat furuan Erusalem, sik furuan at mauseganan sas fagdaul daga.

1 Samwel 1:12

Kaduge Ana gdarangin sas Yawi, Eli nalag Ana nu gibugan. Ay Eli namatangan te, Ana galangu.

Lukas 11:10

Aroro fagayu taget mul ban fia. Ay fagayu tagrvbvy lumag tua ban fia. Ay fagayu takatuk e lumuang waban fia laman sa anya.