Lukas 17:34 - Fanawbuid tagsibaliwas Fakayabian

³⁴ “Glong au ayu te, ginanya ban fag yabi e duak taw gtaladan gtiug. E nabul wan at sadi, ay at usama anfamato way.

Lukas 17:34 Referans Kwoze

2 Pedru 2:9

Nu katanya, amatangani te, tam Fun saful tua gfalangfe at matuyan fag ngay taw siginan sangay famaskud, ay saful yangay gfaurianan at mauri fag ngay taw gina ban andasug fanginsafulan asalanan fag menit.

Mateu 24:25

Amatangi, nafoyung kwan sa ayu takadasug ban.

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Markus 13:23

Ay mataganani tua, katsi nafararang kwan sa ayu takadasug ban fagayu.

Eremyas 45:5

Lag o grvbvy ya nusnge wain fag ramraman at mafanud. Aroro gfadasug kban faurianan sas fagayu taw, dewa katanya, gfalangfe ktua ban emu nusnga nday ban nu glao o. Au, Yawi, taglong tuy.’ ”

Isayas 42:9

Fagayu ku nalong ebi anfasludan wan, ay katsi gfoyung au ayu takafasludan ban.”

Alubad. 28:3

Lag o gfaurianan angku gasfuan at mauri fag ngay taw. Kanya fagayu masine at aringang, dewa katanya, mauri way at ngay algan.

Alubad. 26:9

Lag gfaurianan angku, kata am fakamulun sa sangay taw tagasalanan. Ay lag yap gfabul angku kata nu gfabul o takamabul fag ngay taw.

Lukas 13:5

Glong au ayu te, duan. Ay fagayu am nu dway am naubun ay ngay asalanan, anggan am e fakatabuan yangay ban am kata kafag ngay taw.”

Lukas 13:3

Glong au ayu te, duan. Ay fagayu am, nu dway am naubun ay ngay asalanan, anggan am e fakatabuan yangay ban am kata kafag ngay taw.

Markus 14:29

Ay Pedru nalong anya te, “Ku iba ro fagayu dewa naubun emu, au kwa gubun emu.”

Lukas 17:33

Aroro nusnga sinu takesug at leleg, umkalyam way ban at leleg. Ay nusnga sinu tagfon tua at leleg aroro gafanud sa angku, kanya ban e leleg tua kabavn.

Lukas 17:35

Ay e sik duena glubuk, ay e nabul wan at sadi, ay at usena anfamato way. [