Lukas 17:26 - Fanawbuid tagsibaliwas Fakayabian

²⁶ “Au, Taw at Baguama, nu kadasug kban, ngay taw at fakamulun kata ebi gina Nui at buknga.

Lukas 17:26 Referans Kwoze

2 Pedru 2:5

Ay Dius wa yangay anfanyu ebi fag ngay taw, ay kanya nafadasug sik lino daul laman gfamin kafag ngay taw at yud gfaning anya. Ay at kinlangfe, Nui way lang, ay at fadgaloan fag fitu. Nui wan at nafamoyung sat matuyan fag ugali.

Lukas 17:24

Aroro kata sik limbad nu gfayamag sas fagdaul banwa siginan sik tigyangan, anggan sat dayu, katanya yangay ban gina au kadasug fag menit, au Taw at Baguama.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Lukas 17:22

Isus nalong sat ngay tagadal te, “Umdasug ban sik buknga, maksvn ban nu gyalagun am Taw at Baguama dewa way sadik menit, ay ya ban am lumag.

2 Pedru 3:6

Ay siginan yangay kafag mamam kanya nafalubgub fagdaul daga ay nafamin fagayu tagsanya.

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

Fakasigadan 6:7

Nu katanya, kanya glong te, “Namamin kban ku nawat fag ngay taw sas fagdaul daga ay anggan yangay fagayu tagleleg: ngay mela, ay at magup, ngay tagalafang, ay fagayu taglayug, aroro anfangulan au ku ngay awatan.”

Lukas 18:8

Gfoyung au ayu te, Dius masakit nu ggubuk. Ay au, Taw at Baguama, gina kban kafoli ste swa daga, o e lagan ktua ban tagafanud sa angku?”

Fakasigadan 6:8

Dewa katanya, e sik taw at matuyan sas Yawi, at ngayan Nui.

Isayas 22:13

Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Lukas 17:7

“Nu e fagsuguan o, ay at fakamulun garadu sim daga, ay mannga galaga am ngay fagbaugun, o nu ndasug ro siginan at fagfakamulunan, o glong o te, ‘Malunggungi ay fangoni wan’?

Lukas 17:27

Ebi kanya fag ngay taw manabayan way fia gfangon ay gmamaman, ay kadadwa, yakmay Nui nasakbo sas sakayan lino. Ay ginanya lugwak andasug ay nafabul kafag ngay taw.