Lukas 17:1 - Fanawbuid tagsibaliwas Fakayabian

¹ Isus nalong sat ngay tagadal te, “Anud wan, e gfae asalanan ban, ay afanyuan way ban nusnga sinu tagfae asalanan.

Lukas 17:1 Referans Kwoze

Mateu 18:7

“Ida ste swa daga fag ngay taw, aroro e ngay famaskud laman gasalanan. Ay matuyan, umdasug ban takatanya, ay ida nusnga sinu tagfae asalanan at iba.

1 Kurintu 8:13

Nu katanya, nu siginan way ku naon tagfae asalanan ku faduksay, kwa ban kon ya yamas laman kdi gfae asalanan anya.

Ruma 14:13

Nu katanya, lag tam mesa e amatanganan at mauri sabaliwas fakonun, nu bunway amatangani tua te, lag gfakamulun nusnge wain tagfataid ay tagfae asalanan tam faduksay.

1 Kurintu 11:19

Nasaful au te, matuyan wam gdiuganan laman umsaful te, sinu am at ke fagafanudun.

Ruma 16:17

Ku ngay faduksay, maksvn nu glong au sa ayu te, amatangani fia ay dirii nusnga sinu tagfasaruayan ayu sa ay fagmasadiun, ay tagfamomuy tibak taw at fagafanudun, ay tagfoyung tibak foyungan tagfabadbaboan ay nadungug wan fag foyungan. Ayayui siginan takatanya fag ngay taw.

Mateu 16:23

Ay Isus anbiling ay nasalubang Pedru ay nalong anya te, “Satanas, lag ste ya! Gfataid wayo angku. Aroro am amatanganan bunwa Dius at algan, nu bunway taw way at algan.”

1 Kurintu 10:32

Dangay am gfae asalanan nusnga sinu fag taw, ngay taw Udyu, ngay taw Gresya, ay anggan Dius at ngay taw.

At Nafasure 2:14

Dewa katanya, e fakauriun kway ayu. Am tiba nafaning wayam Balaam at foyungan. Kanya nafoyung sas Balak nu setain nu gfaylatan ngay taw Israel laman kon ngay fanggalangun at nafon sat yud matuyan fag ngay fagsegan, ay at nanfanugtug ay at kamatugtug. Siginan takatanya, ngay taw Israel anke asalanan.

At Nafasure 2:20

Dewa katanya, e fakauriun kway ayu. Wam nasalag Esebel fag mangena takamaningan te, sia wan Dius at taglong. Siginan at foyungan kanya gtaban ku ngay fagsuguan laman nanfanugtug ay namatugtug, ay kon at nafon fag ngay fanggalangun sat yud matuyan fag ngay fagsegan.

Lukas 16:31

“Abrayam nalong te, ‘Kanya fagayu nu dway gfaning Muisis ay Dius at ngay taglong, waro gafanud at namoyung anya fagayu dewa sik taw at nadog naleleg.’ ”

1 Timuteu 4:1

Mayamag wan at Masine fag Falad at longan te, sa ban taguyan fag ngay menit tiba bank taw gubun at fagafanudun, ay nangalo takamuagan fag ngay falad ay ngay bara at ngay foyungan.