Lukas 16:9 - Fanawbuid tagsibaliwas Fakayabian

⁹ Ay glong au ayu te, ay ramraman, kanya ay famagadgalangan ngay taw, laman ban nu namin wan, e gfasakbo tua ayu sa sik fagbanwanan at yud e fakatabuan.

Lukas 16:9 Referans Kwoze

Mateu 19:21

Ay Isus nabalus te, “Nu kaylat o laman di o e malong, falaoi fagayu am ramraman, ay at nagbulan foni sa sangay yud e kwa, laman e ramraman tua ban o sas banwa. Ay sanya ginan, aloi angku.”

Mateu 6:24

“Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Lukas 16:11

Ay nu dway matuyan nu gagbilug am ste swa daga fag ramraman, wa ban e gfatigwanan sa ayu at matuyan fag ramraman.

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Lukas 14:14

Ay umdasug ban sa emu at masine. Kanya fag ngay taw wa mafasud emu, dewa katanya, Dius waban tagfasud sa emu gina at matuyan fag ngay taw gdog gleleg.”

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 11:41

Foni tua sat yud e kwa laman masine tua fagayu tagsi ayu.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Lukas 16:13

Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.”

Fakamulun 10:31

Ay kanya nalong sa angku te, ‘Dius nadungug am darangin ay kaylat am fakamulun nu ggubuk o ngay tagidapan.

Mateu 6:19

“Lag gfaful ay ngay ramraman ste swa daga aroro ste fatung kon way ay anenay gfamin way, ay tagfangkamul masakbo way ay mafangkamul way.

Udas 1:21

Kabavn banwani sis Dius at fakesugun kaduge am gfanya tam Fun Isus at fakafanyun tagfosuk ayu sat yud e fakatabuan fag leleg.

Fakamulun 10:4

Ay Kurnelyu nadama ay anlimu maksvn, ay nabalus te, “Nataw ku Fun?” Ay kafag tagbarita nalong anya te, “Dius nadungug am darangin ay guseganan am fakamulun nu ggubuk o at ke ngay fagidapun.

Takamoyung 11:1

Fafuli am salapi famul nusnge wain am famaloun ay umkayu ban am ramraman.

Fangatulun 23:5

Aroro ramraman masakit way nu kamin, kata sik bio taglayugan sis kiwang.

Isayas 57:16

At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.

Alubad. 73:26

Ku Dius, dewa ku bilug ay ku amatanganan anmomuy, nafabitsug tuo angku, ay gufud tuo gugat angku.

Lukas 16:4

Saful kwan ku fakamulun. Nangawat au sik balyawvtan laman ban ku fun nu naiyan angku, ngay taw gfasakbo tua angku sat bale.’

Fangatulun 14:24

Sik taw at ke fagsafulun, at famauseganan anya at fagsafulun wan. Dewa katanya, at yud mamatanganan kafamut way at fagyudun mamatanganan.